Sélingué (aintzira)
Sélingué aintzira Malin dagoen aintzira artifiziala da, Ginearekiko mugaraino iristen dena. Maliko hiriburua den Bamakotik 140 kilometrotara dago[1].
| Sélingué (aintzira) | |
|---|---|
 | |
| Datu orokorrak | |
| Mota | urtegi |
| Azalera | 409 km² |
| Bolumena | 2.200 hm³ |
| Geografia | |
 | |
| Koordenatuak | 11°37′N 8°14′W / 11.62°N 8.23°W |
| Estatu burujabe |  Mali |
| Region of Mali | Sikasso eskualdea |
| Hidrografia | |
| Betebidea | ikusi
|
| Hustubidea | Sankarani River (en)  |
| Arro hidrografikoa | Niger Basin (en) |
Geografia eta historia
aldatuMaliren hegoaldeko Sikasso eskualdean kokaturik dago Sankarani ibaiaren ibilbidean. Sankarani ibaia Niger ibai handiaren adarra da. Ibaiaren bidean presa hidroelektriko handi bat eraiki zen 1979 eta 1982 artean eta horrela eratu zen aintzira[2]. Gehiena Malin badago ere hegoaldeko ertzak Ginearekin egiten du muga eta euri sasoian herrialde hartako lurrak ere hartzen ditu.
Eraiki zen unean Maliko urtegi handiena zen. 1988an Manantali urtegiak gainditu zuen Sélinguéren tamaina.
Ekonomia
aldatuUrtegiko ura argindarra lortzeko erabiltzeaz gain inguruko nekazal lurrak ureztatzeko ere erabiltzen da. Aintzira eratu zenetik haren ertzetan hainbat herri sortu dira, aipagarrienak La Carrière eta Faraba. Herri hauen jarduera nagusia arrantza da eta urtean 4.000 tona arrain hartzen dira[3].
Gaur egun Bamako hiriburuan saltzen den arrain gehiena Sélingué aintziran harturikoa da[4].
Iruditegia
aldatu-
Arrantzaleak Sélingué aintziraren ertzean. -
Sélingué aintziraren satelite ikuspegia.
Erreferentziak
aldatu- ↑ (Frantsesez) «Sélingué, Mali / Gestion intégrée des ressources en eau : Le Programme BAM-GIRE lancé par Wetlands International» Wetlands International Afrique 2015 (Noiz kontsultatua: 2024-07-02).
- ↑ (Ingelesez) «Sélingué Dam (Mali, 1981)» Structurae (Noiz kontsultatua: 2024-07-02).
- ↑ «Développement des ressources halieutiques dans le lac de Sélingué : 4000 tonnes de poisson drainées chaque année vers la capitale» Afribone (Noiz kontsultatua: 2024-07-02).
- ↑ Knaap, M. van der. (1994). Status of fish stocks and fisheries of thirteen medium-sized African reservoirs. CIFA Technical Paper. No. 26. Rome, FAO, 107 or..
Kanpo estekak
aldatu
Datuak: Q2723824
Multimedia: Lac de Sélingué / Q2723824
