Bamako[1]Maliko hiriburua eta hiri nagusia da. Herrialdeko hegoaldean dago, Niger ibaiaren bazterrean. 2009an 1.809.106 biztanle zituen[2]. Bamakoren hiri-hazkundea Afrikako handiena da eta munduko seigarrena.[3] Maliko zentro administratiboa izateaz gain, eskualdeko merkataritza-gunea eta ibai-portu garrantzitsua da. Herrialdeko banaketa administratiboan Bamakok "barruti" maila du eta sei udaletan dago zatiturik, bakoitza bere alkatearekin.