Rhodocollybia fodiens
Rhodocollybia fodiens Marasmiaceae familiako onddo espezie bat da. Erdipurdiko jangarria, haragi haritsua. Espezie oso urria Euskal Herrian.
| Rhodocollybia fodiens | |
|---|---|
 | |
| Sailkapen zientifikoa | |
| Erreinua | Fungi |
| Klasea | Agaricomycetes |
| Ordena | Agaricales |
| Familia | Marasmiaceae |
| Generoa | Rhodocollybia |
| Espeziea | Rhodocollybia fodiens V. Antonín, M. Noordeloos, 1997
|
Sinonimoak: Calocybe leucocephala, Collybia leucocephala, Agaricus fodiens, Collybia fodiens.
Deskribapena
aldatuKapela: 6 eta 8 cm arteko diametrokoa, erdian kolore marroi-gorrixka du eta ertzerantz zurbildu egiten da. Ganbila, nahiko lodia, batzuetan titi apur batekin.
Orriak: Krema kolorekoak, nahiko estu eta gutxi asko koskekin.
Hanka: Sendoa, hasieran zuria, gero okre koloreko orbanekin zikintzen da. Ildaskatua luzetara, erdian lodiagoa eta behealdean sustrai itxurarekin.
Haragia: Zurixka, usain eta zapore gabea. Nahiko trinkoa kapela eta zuntzuna oinean.[1]
Etimologia: Collybia terminoak txanpon txikia esan nahi du. Fodiens epitetoa latinetik dator, zanga esan nahi duen " fodio" hitzetik. Bere oin ildaskatuagatik?
Jangarritasuna
aldatuEzin da jan haragi zuntzunagatik.
Nahasketa arriskua
aldatuLehen begiratuan, Collybia fusipes edo Collybia distorta delakoekin nahas daiteke, baina hauengatik bereizten da bere oin ildaskatu eta sendoagatik.
Sasoia eta lekua
aldatuUdan eta udazkenean, konifera basoetan.[2]
Banaketa eremua
aldatuEuropan, batez Alpeetan, Erresuma Batua, Eskandinavian, Estonia, Finlandian eta Errusian ere, baina ez iberiar penintsulan edo Euskal Herrian.[3]
Erreferentziak
aldatu- ↑ (Gaztelaniaz) Kutxa Fundazioa Sozial eta Kulturala. (1992). Euskal Herriko perretxikoak. Litografía Danona s. coop.ltda., 429 or. ISBN 84-7173-211-4..
- ↑ (Gaztelaniaz) Cetto, Bruno. (1987). Guia de los hongos de Europa. Ediciones Omega, S. A. Barcelona, 291 or. ISBN 84-282-0541 (T. 3). ISBN: 84-282-0538-8 (O.C.)..
- ↑ Rhodocollybia fodiens: GBIF—the Global Biodiversity Information Facility.
Kanpo estekak
aldatu
Datuak: Q7321112
Multimedia: Rhodocollybia fodiens / Q7321112
