Plauto, latinezko izen osoa Titus Maccius Plautus izanik [1], (Sarsina, c. K.a. 254, Erroma, K.a. 184) latinezko komedia egile bat izan zen. Bere komediak arrakasta handikoak izan ziren bere garaiko Antzinako Erroman eta baita gerora ere. Horri esker, ia osotasunez eta jatorrizko idazketan gaurdaino heldu diren latinezko literatura lan zaharrenak direla esan daiteke, bere garaiko latinezko idazleetatik zati batzuk bakarrik heldu direla ikusirik [2]. Plautoar izenondoaz ezagutzen dira Plautoren beraren edo Plautoren estiloaz idatziriko lanak.

Plauto

(1700(e)ko hamarkada)
Bizitza
JaiotzaSarsina, K.a. 250
Herrialdea Antzinako Erroma
HeriotzaErroma, K.a. 184 (65/66 urte)
Familia
Aitaezezaguna
Amaezezaguna
Hezkuntza
Hizkuntzaklatina
Jarduerak
Jarduerakkomediagilea, antzerkigilea eta idazlea
Lan nabarmenak

IMDB: nm0686974 IBDB: 11133
Discogs: 4417345 Find a Grave: 87866920 Edit the value on Wikidata

Komediak aldatu

130 bat komediaren ustezko egiletzat jo izan da, baina Varronen De Comoediis Plautinis lanari esker ziurtasunez honako 21 komedia hauek bereak direla esan daiteke: ''Amphitruo, Asinaria, Aulularia, Captiui, Curculio, Casina, Cistellaria, Epidicus, Bacchides, Mostellaria, Menaechmi, Miles gloriosus (euskaratua Militar harroputza izenburupean),[3]. Mercator, Pseudolus, Poenulus, Persa, Rudens, Stichus, Trinummus, Truculentus, Vidularia (azken honen zati batzuk bakarrik). Haien artean ezagunena Miles Gloriosus da. Bertsio batzuk daude, bai filmetan, bai antzerkian.

Erreferentziak aldatu

  1. Izen osoa eztabaidagarria da. Ikus: (Ingelesez) Gian Biagio Conte,Joseph Solodow,Don P. Fowler,Glen W. Most: Latin literature: a history, 49. orrialdea.
  2. (Ingelesez) Gian Biagio Conte et alia: op. cit., 50. orrialdea eta Livius Andronicus, Ennio eta Neviori buruzko atalak.
  3. PLAUTO.-Militar harroputza (Gidor Bilbao Telletxeak, Paula Garcia Iraetak eta Maialen Utrilla Aranak euskaratua)UEUk argitaratua 2018an,ISBN 978-84-8438-670-4

Kanpo estekak aldatu

Wikimedia Commonsen badira fitxategi gehiago, gai hau dutenak: Plauto