Peñamellera Baja

Peñamellera Baxa Asturiesko ekialdean dagoen udalerria edo conceyua da, Orienteko eskualdean kokatutakoa. Iparraldean Llanes eta Ribadeva, mendebaldean Peñamellera Alta, ekialdean Herrerías (Kantabria) eta hegoaldean Peñarrubia (Kantabria) udalerri mugakide ditu.

Peñamellera Baja
Asturiasko kontzejua
Irudi gehiago
Administrazioa
Estatu burujabe	Espainia
Autonomia	Asturiasko Printzerria
Probintzia	Asturiasko probintzia
Alkatea	José Manuel Fernández Díaz
Izen ofiziala	Peñamellera Baja
Posta kodea	33...
INEk ezarritako kodea	33047
Herriburua	Panes (en)
Geografia
Koordenatuak	43°18′27″N 4°35′12″W
Azalera	83,85 km²
Mugakideak	El Valle Altu de Peñamellera, Llanes, Ribadeva, Val de San Vicente, Herrerías, Lamasón, Peñarrubia eta Tresviso
Demografia
Biztanleria	1.221 (2023) −4 (2022)
620 (%50,8)   (%49,6) 606
Dentsitatea	15 bizt/km²
Informazio gehigarria
Ordu eremua	UTC+01:00
Matrikula	O
aytopanespbaja.com

Bere lurraldearen zati bat Cuerako mendilerroaren babesgunean sartuta dago. Panes da herrigune nagusia.

Parrokiak

Auzoak	Biztanleak (2013)	Gizonak	Emakumeak
Abándames	150	76	74
Alevia	70	33	37
Buelles	114	57	57
Cuñaba	48	24	24
Merodio	90	46	44
Narganes	68	43	25
Panes	585	279	306
Siejo	94	45	49
Tobes	112	59	53

Artea

Europako Mendien atarian, Peñamellera Bajak bazter natural ikusgarriak barne hartzen ditu, kontzejuaren ondare nagusia dena. Ikusgarriak dira paisaiak Cuñabatik eta San Estebandik, azken honetan begiratokia dagoelarik. Azken auzo hau 1990ean izendatu zuten "Pueblo ejemplar de Asturias".

Bestela, La Lojako kobazuloak historiaurreko aztarna garrantzitsuak gordetzen ditu, labar arteazko grabatuekin panel handi bat duena, zaldi, zezen eta beste animalia batuzk irudikatuz.

Erlijiozko arkitekturari dagokionez, ondarea ez da inguruko udalerrietan bezain aberatsa. Hondar erromanikoak besterik ez daude San Vicenteko elizan (Panes), baita San Juan de Ciliergo eta San Juan de Alievako elizetan ere. Osagai gotikoak dituzte Abándemes, Merodio eta Tobeseko tenpluek eta Nuestra Señora de Espioñako baselizak.

Eraikin zibilen artean, jauregi eta etxetzar (casona) ugari daude, besteak beste XVII. mendeko Palacio de La Cajiga eta Palacio del Palenque (Abandames), Palacio de San Román (Panes), Palacio de Cerébanes, Casona Mier (Siejo), Palacio de L´Abariega (Cimiano) eta Hoyos familiaren jauregiak Bores-en eta La Sernan.

Ikus, gainera

• Europako Mendietako Parke Nazionala
• Asturiasko udalerrien zerrenda

Kanpo estekak

• Datuak: Q842694
• Multimedia: Peñamellera Baja / Q842694