Pagoda
Pagoda Ekialde Urruneko herrietako tenplua da. Pagodak budisten otoizlekuak dira; santuen eta aszeten ohoretan eraikiak izaten dira, haien omenez edo haien erlikiak gurtzeko.
Pagoda modernoa Indiako stuparen bilakaera bat da, tumulu itxurako egitura non erlikia sakratuak gordetzen ziren[1].
Dorre-forma dute, eta oso garaiak izaten dira (60 metrotik gorakoak batzuk). Adreiluzkoak, harrizkoak edo zurezkoak izan daitezke. Antzinatik eraiki izan dira pagodak; Txinako pagoda zaharrena 552. urtekoa da, eta Japoniakoa VII. mendekoa.
Erreferentziak
aldatu- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
- ↑ (Gaztelaniaz) «Pagodas antiguas» China jatorrizkotik artxibatua (artxibatze data: 2013-06-16).
