Orfeo eta Euridize (Canova)

Orfeo eta Euridize Antonio Canova eskultore italiarraren talde eskultorikoa da. 1775-1776 artean egina, egun Veneziako Correr museoan dago, bertako Dantza-aretoan. Artistaren lehen lanetako garrantzitsuena da. Taldea Falier familia veneziarraren landetxeko lorategiko sarrera apaintzeko zen. Lanak hasierako ospea eman zion artistari, 1776ko Igokundearen jaian egindako erakusketaren ondorioz.

Orfeo eta Euridize (Canova)
Jatorria
Sortzailea(k)	Antonio Canova
Sorrera-urtea	1775
Ezaugarriak
Materiala(k)	Q21328992
Genero artistikoa	eskultura mitologikoa eta talde eskulturala
Deskribapena
Kokapena
Lekua	Correr museoa
Bilduma	Correr museoa

Ezaugarriak

Multzoan bi eskultura independente daude, gizona, Orfeo, eta emakumea, Euridize. Vicenzako harri zuriz egina dago eta 2,04 zem.ko garaiera dute. Biek une tragikoaren irudia erakusten dute.

Esanahia

Eskulturak Orfeoren mitoan inspiratuta daude, Ovidioren Metamorfosiak liburuan eta Virgilioren Georgikak lanean jasota. Eskulturen oinarrian, inskripzio batek bi poeta latindarren bertso batzuk erakusten ditu. Eskulturek Orfeok, Hadesetik azalera itzuliz, bere emazte Euridizeren itzalak benetan jarraitzen dion ikusteko buelta ematen dion une tragikoa erakusten dute. Une horretan, etsipenez, Euridize azkenekoz ikusten du Orfeok; emakumea, atsekabe eta gaitzespenez, ilunpetan desagertzen hasten da, Hadesera itzultzera beharturik.

Iruditegia

• 
  Euridize.
• 
  Orfeo.

Kanpo estekak

• Datuak: Q3885616
• Multimedia: Orpheus and Eurydice by Antonio Canova (Museo Correr) / Q3885616