Norrström
Norrström Baltiko itsasora isurtzen den Suediako ibaia da.
| Norrström | |
|---|---|
 | |
| Datu orokorrak | |
| Mota | ibai |
| Luzera | 1 km |
| Geografia | |
 | |
| Koordenatuak | 59°19′43″N 18°04′17″E / 59.3286°N 18.0713°E |
| Estatu burujabe |  Suedia |
| Suediaren banaketa administratiboa | Stockholmgo konderria |
| Suediako udalerria | Stockholm udalerria |
| Hidrografia | |
| Arroaren azalera | 22.650,2 km² |
| Lakuak | Mälaren, Riddarfjärden (en)  eta Stockholms ström (en) |
| Iturburua | Riddarfjärden (en) |
| Bokalea () | Saltsjön, Stockholms ström (en) eta Itsaso Baltikoa |
Geografia aldatu
Mälaren lakuaren irteera nagusia da, Riddarfjärden eta Strömmen badien artean doana,Stockholm erdialdean. IIparraldean Norrmalm barrutia du, eta hegoaldean berriz Stadsholmen uhartea. Ibaiaren baitan Strömsborg eta Helgeandsholmen uharteak daude. Norrström ibaiak Vasabron, Riksbron, Norrbro eta Strömbron zubiak zeharkatzen ditu.
Norrström Riddarfjärden badian hasten dela kontsideratzen da, Strömsborg uhartearen eta Vasabron zubiaren ondoan. Helgeandsholmen uharteak ibaia bi ildotan banatzen du, bakoitza bere hesiarekin uraren emaria erregulatzeko; ipar aldean Norrbro zubia dago, eta hegoaldeko ildoari Stallkanalen esaten zaio.
Helgeandsholmenetik ekialdera, ibaiaren fluxua zabalagoa eta lasaiagoa da, Strömmenera bidean (Norrström ibaiaren eta Strömmen badiaren artean ez dago muga zehatzik). [1]
Historia aldatu
Norrström XIII. mendean sortu zela uste da: lur-altxatze tektonikoaren eraginez, Mälaren aintziraren eta Itsaso Baltikoaren arteko pasabide bakarra bihurtu zenean. Horrek kokapen estrategikoa sortu zuen: Stockholm hiria bertako irteeran kokatzearen arrazoia. [2] .
Snorri Sturlusonek Heimskringla sagan Olof Santuari buruzko istorio batean aipatzen du ibaia, Stocksundeta izenarekin. [2]
Hidrografia aldatu
Norrström ibaiak arro hidrografiko osoari ematen dio izena, Mälaren lakuak eta Hjälmaren- ek osatzen duten ur-ibilguari alegia. Eremua 22650 km²takoa da, bataz bete 160 m³/s-ko emariarekin. Norrström Suediako hamargarren ur-ibilgu handiena da. Mälaren aintziraren adar nagusiak Eskilstuna ibaia, Arboga ibaia, Kolbäck ibaia eta Fyris ibaia dira .
Arrantza aldatu
Norrström-en, ehunka izokin eta itsas amuarrain harrapatzen dira urtero. 2000. urtean, ia 22 kgtako izokin bat harrapatu zuten. Norrström-en 30 bat arrain-espezie daude, Stockholm eskualdeko aberatsena izanik. 1970eko hamarkadatik, arrantza kudeaketa aktiboa egiten da eta izokinaren eta itsas amuarrainaren ugalketa bultzatu da dira.
Iruditegia aldatu
-
Norrbro ("Ipar aldeko zubia"), non Norrström ibaia Itsaso Baltikorantz jaisten den -
Norrbro zubia, mendebaldetik ikusia Mälaren lakurantz. -
Norrström ibaia neguko egun hotz batean; Stockholmeko gaztelua atzealdean. -
Opera eta Strömmen badia Gabonetako argiztapenarekin, 2017.
Erreferentziak aldatu
- ↑ För definitioner av gränsen, se Stockholms ströms utbredning.
- ↑ a b Thomas Hall: Huvudstad i omvandling. Stockholms planering och utbyggnad under 700 år. Sveriges radios förlag
