Marija Ruljancic
Marija Ruljancic (kroazieraz: Marija Ruljančić), jaiotzez Vidović, (Lorci, Vis, 1913ko ekainaren 14a – Melbourne, 2024ko maiatzaren 18a) kroaziar-australiar ehun urteduna izan zen[1][2].
| Marija Ruljancic | |
|---|---|
| Bizitza | |
| Jaiotzako izen-deiturak | Marija Vidović |
| Jaiotza | Vis (en)  , 1913ko ekainaren 14a |
| Herrialdea | Kroazia-Eslavoniako Erresuma  Jugoslaviako Erresuma  Australia |
| Heriotza | Melbourne, 2024ko maiatzaren 18a (110 urte) |
| Jarduerak | |
Bizitza
aldatuMarija Ruljancic Kroaziako Vis uhartean jaio zen mahastizainen familian. Umetan Espainiako gripea pairatu zuen. Eskolan graduatu ondoren, nekazaritza ikasi zuen. 1932an Ivan Ruljancic egurgilearekin (1903-1991) ezkondu zen, eta harekin hiru seme-alaba izan zituen. 1941ean, Egiptora erbesteratu zen senarrarekin, bi seme-alabekin eta ahizparekin, Bigarren Mundu Gerra zela eta. 1944an Australiara joan zen, eta han Melbourneko Hawthorn auzoan bizi zen. Ez dakigu ezer Australian zuen jarduera profesionalari buruz[3][2][4].
Azken urteak Melbournen eman zituen semearekin eta haren emaztearekin. 8 biloba, 15 birbiloba eta 6 hereniloba izan zituen. Elkarrizketa batean esan zuen beti arreta jarri ziola elikadura osasungarriari eta ariketa fisikoari[3]. 2021eko apirilaren 16an 107 urteko Marija Bibulic hil ondoren, Ruljancic Kroazian jaiotako pertsonarik zaharrena bihurtu zen[4], eta 2024ko urtarrilaren 26an 111 urteko Catherine van der Linden hil ondoren, Australiako pertsona zaharrena ere bai. Marija Ruljancic 2024ko maiatzaren 18an hil zen, 110 urte eta 339 egun zituela[2].
Erreferentziak
aldatu- ↑ (Ingelesez) «Marija Ruljancich (1913-2024)» The 110 Club 2024-05-20 (Noiz kontsultatua: 2024-05-25).
- ↑ a b c (Ingelesez) «Marija Ruljančić» LongeviQuest (Noiz kontsultatua: 2024-05-25).
- ↑ a b (Ingelesez) Salaysay, Lennard Ashley. «The World's Oldest Living Croatian-Born Person Turns 110» LongeviQuest 2023-06-13 (Noiz kontsultatua: 2024-05-25).
- ↑ a b (Ingelesez) Wright, Tony. «Shielded from pandemics a century apart, Marija hits 110 at home with family» The Age 2023-06-13 (Noiz kontsultatua: 2024-05-25).
Kanpo estekak
aldatu
Datuak: Q125400631
