María Parrado
María Dolores Parrado Ávila, ezagunagoa María Parrado izenez (Chiclana de la Frontera, Cadiz, 2001eko apirilaren 28a) cadiztar pop abeslaria da, eta ezaguna da 2014an La Voz Kids Espainaren lehen edizioa irabazteagatik.[1]
| María Parrado | |
|---|---|
 | |
| Bizitza | |
| Jaiotza | Cádiz, 2001eko apirilaren 28a (23 urte) |
| Herrialdea |  Espainia |
| Hezkuntza | |
| Hizkuntzak | gaztelania |
| Jarduerak | |
| Jarduerak | abeslaria |
Parte-hartzailea
| |
| Genero artistikoa | pop musika |
| Musika instrumentua | ahotsa |
| Diskoetxea | Universal Music Group |
| mariaparrado.com | |
          | |
Musika ibilbidea
aldatuHiru urterekin hasi zen abesten. Zortzi urte zituela, Cantame una canción telebista-lehiaketan hartu zuen parte Telecincon.[2][1] 2010eko apirilaren 16an, 8 urte baino ez zituela, Canal Sur kateko Menuda noche saioan parte hartzeko hautatua izan zen.[1] Saio horretan hainbat kantu a cappella, hau da, ahots hutsez abestu zituen, besteak beste, «La bella y la bestia» eta «Vas a volverme loca».[3]
12 urterekin, 2014an, Telecinco katearen La Voz Kids Espainiako talentu-lehiaketaren lehen edizioa irabazi zuen. Malu abeslariaren taldeko kidea izan zen showean.[4][5][6][2] Lehiaketa irabazi zuenean, DBHko 1. mailan zegoen eta pianoko laugarren mailan.[7]
La Voz Kids-en azken fasean abestu zituen bi abestiak (Pablo Alborán-en «Quién» Top 9an eta Joan Manuel Serrat-en «Lucía», gerora artistarekin partekatzeko zortea izan zuen abestia, Top 3an) bakun gisa atera ziren, eta Espainiako arrakasta-zerrendan agertu ziren.[8][2][9][10][11] 10.000 euroko beka jaso zuen bere musika-karrerarekin jarraitzeko, Lehiaketako beste finalistekin batera Disneylandera bidaia bat eta Universal konpainiarekin disko bat grabatzeko aukera izan zuen.[12]
La Voz Kids-en amaitu eta aste batzuk geroago bere lehen albuma kaleratu zuen, Pablo Alborán abeslariari egindako omenaldia, Universal Music Spain-ek ekoitzia eta María Parrado besterik gabe izenburupean. Denbora gutxian, Espainiako album salduenen zerrendako bigarren postuan izan zen.[4][2] Album horrek 46 aste jarraian eman zituen zerrendan.[13] Album horretan, Pablo Alborán artistaren 7 kanta sartu ziren, Mariak interpretatuak, eta argitaragabeko bat, «El significado del amor» izenekoa.
Gero, kontzertuz beteriko bira bat egin zuen. Bere lehen kontzertua maiatzaren 17an izan zen Gasteizko Buesa Arenan. Madrilen ere egin zituen kontzertuak (lehena Nuevo Apolo Antzokian 2014ko uztailaren 11n izan zen).[14] Bira horretan Espainia osoan zehar ibili zen.
2014ko urrian, Maria Parrado— Edición Especial Gira izeneko lehen diskoa kaleratu zuen berriro. Album horrek artistak bere lehen biran kantau zituen abestiak bildu zituen, eta CD batean grabatu nahi izan zituen, kontzertuetara joaterik izan ez zuen jendeari entzuteko aukera emateko.
2015aren hasieran, Annie filmaren soinu banda abestu zuen. Urtarrilaren 30ean estreinatu zen, eta aste luzeak eman zituen lehen postuan takiletan.
2015eko ekainean, Abril izeneko bigarren albuma atera zuen eta 6. postura iritsi zen Espainiako album salduenen zerrendan.[15][4] Bakun gisa plazaratutako lehen abestia «Quien cambia soy yo» izan zen.[15] Diskoaren izen berarekin hasi zuen bira ere. Herrialdeko probintzietako udalerririk garrantzitsuenetara joan eta bere herriko abuztuko ferian amaitu zuen.
2015aren amaieran, Abril bildumako «Frío» abestia estreinatuko zuela iragarri zuen, Dvicio taldeko Andrés Ceballosekin batera.
2016ko apirilean, Mi Mundo izeneko musika-bira berria iragarri zuen. Bira horretan, abeslariak bere bi diskoetako abestiak interpretatu zituen,,aldi berean, bi musikarirekin eta publikoarekin aritu zen.
2016ko ekainean, Canal Sur-eko talent show berri batean estreinatu zen epaimahaikide gisa, Fenómeno Fan izenburupean. Natalia Rodríguezek aurkeztu zuen programa hori.[4]
Halaber, Disney Vaianaren («How Far I'll Go») film animatuaren gai nagusiaren gaztelaniazko bertsioa interpretatu zuen, bai bertsio arruntean, bai reprise bertsioan, zeinak protagonista gaztearen abenturazale eta gerlari espiritua islatu duen. Gainera, filmaren protagonista, Moana Waialiki printzesa, bikoiztu zuen.[16] Abesti nagusiaz gain, filmeko gainerako abestiak abestu zituen, hala nola «Aquí está». Disney katearen Un, dos, ¡chef! sukaldaritza-saiora gonbidatu gisa joan zen.[17]
2017ko Kids' Choice Award sarietarako izendatu zuten, «Artista español favorito» kategorian.[18]
2017ko irailaren 6an estreinatu zen Cadena Dial-eko Déjate llevar saioko «Un milagro» izenburuko xume berria, Antonio Josérekin batera. Plataforma digitaletan salgai jarri zen irailaren 8an.
2018ko apirilaren 6an, Alas izeneko hirugarren diskoa jarri zen salgai. Disko horrek 12 abesti izan zituen, besteak beste, «Si me dejas», «Un milagro» eta «Alas», berak konposatutako abestia.[19] Disko horren gainean, Mariak soinu- eta estilo-aldaketa bat agindu zuen. Albuma 6. postuan estreinatu zen Espainian.[20]
Azaroaren 4an hasi zen 'Tour Alas' diskoa aurkezteko bira. Gonzalo Hermidarekin batera idatzitako "Que alguien te contente" gai berria aurkeztu zuen.
Azaroaren 9an, Luis Cepedaren laguntzarekin, "No creo en nada" lan sinple berria jarri zen salgai.
2019ko otsailaren 22an, "La chica Ye Ye" abestia interpretatu zuen La mejor canción jamás cantada saioan.
2021ean "71" eta "Calcetines" singleak kaleratu ziren.[21] 2022ko otsailaren 4an "Conmigo" bere laugarren diskoa argitaratu zuen.[22]
Telebista
aldatuSaioak
- Menuda noche (2009), Canal Sur 1
- Cántame una canción (2010), Telecinco
- La voz Kids (2013), Telecinco
- Fenómeno Fan (2016–presente), FORTA
- La mejor canción jamás cantada (2019), TVE
- Tu cara me suena (2020; 2023), Antena 3
- Mapi (2022), TVE
- Dúos increíbles (2023), TVE
- Gente maravillosa (programa de televisión) (2024), Canal Sur Televisión
Diskografia
aldatuEstudio-albumak
aldatu| Zenbakia | Izenburua | Xehetasunak | Zerrendak | Ziurtagiriak | Salmentak |
|---|---|---|---|---|---|
| ESP[13][15]. | |||||
| 1 | Maria Parrado |
|
1 |
|
|
| Maria Parrado — Edición Especial Gira |
|
||||
| 2 | Abril |
|
6 | ||
| 3 | Alas |
|
6 | ||
| 4 | Conmigo |
|
38 |
Singleak
aldatu- 2014: "Quién"
- 2014: "A prueba de ti"
- 2015: "Quien cambia soy yo"
- 2015: "Frío" ( Dvicio taldeko Andrés Ceballosekin)
- 2016: "Abril"
- 2017: "Un milagro" (Antonio Josérekin)
- 2018: "Si me dejas"
- 2018: "No creo en nada" ( Cepedarekin)
- 2019: "Tarde"
- 2021: "71"
- 2021: "Calcetines"
Bideoklipak
aldatu- 2014: "A prueba de ti"
- 2015: "Quien cambia soy yo"
- 2015: "Frío" (Andrés Ceballosekin)
- 2016: "Que hay más allá" < (BSO Vaiana)
- 2017: "Un milagro" (Antonio Josérekin)
- 2018: "Si me dejas"
- 2018: "No creo en nada" (Cepedarekin)
Sariak eta izendapenak
aldatu| Urtea | Saria | Kategoria | Emaitza |
|---|---|---|---|
| 2015 | Neox Fan Awards 2015 | Bere atzetik ibiliko zinatekeen abeslaria[23] | Finalista |
| 2017 | Nickelodeon Kids' Choice Awards 2017 | Espainiako artista gogokoena[18] | Izendatua |
Erreferentziak
aldatu- ↑ a b c María Parrado - Biografía, historia y legado musical. BuenaMusica.com.
- ↑ a b c d María Parrado. Elepé.
- ↑ María Parrado, primera vez en “Menuda Noche”. 13 de enero de 2017.
- ↑ a b c d ¿Qué fue de los ganadores de 'La Voz' y 'La Voz Kids'?. Chance 26 de octubre de 2016.
- ↑ «La Voz Kids»: La filtración era cierta, María Parrado gana la versión infantil de «La Voz». La Voz de Galicia 21 de marzo de 2014.
- ↑ 'La Voz Kids' repasa la trayectoria de María Parrado por el programa. 21 de marzo de 2014.
- ↑ Hola.com. María Parrado, ganadora de 'La Voz Kids': 'Mi referente en la música es Pablo Alborán'. .
- ↑ La actuación de María: ‘Quién’. Telecinco 20 de marzo de 2014.
- ↑ María Parrado, gaditana de 12 años, se convierte en la ganadora de 'La Voz Kids'. Heraldo 21 de marzo de 2014.
- ↑ spanishcharts.com - María Parrado - Quién. .
- ↑ spanishcharts.com - María Parrado - Lucia. .
- ↑ ¡María se convierte en ganadora de la primera edición de 'La Voz Kids'!. .
- ↑ a b spanishcharts.com - María Parrado - María Parrado. .}
- ↑ 20Minutos. María Parrado, ganadora de 'La Voz Kids', ofrecerá su primer concierto en Madrid - 20minutos.es. .
- ↑ a b c spanishcharts.com - María Parrado - Abril. .
- ↑ María Parrado, ganadora de La Voz Kids, interpreta el tema central de Vaiana, la nueva película de Disney. Agencia Europa Press 1 de diciembre de 2016.
María Parrado, la voz en español de las canciones de Vaiana que se estrena el 2 de diciembre. LOS40 29 de noviembre de 2016. - ↑ «Espinacas para María Parrado | 1,2 chef» www.disney.es.
- ↑ a b Nickelodeon Kids' Choice Awards 2017. .
- ↑ «‘Si me dejas’, el nuevo tema de María Parrado» Como tú (revista) (H. Bauer Ediciones S.L., S. en C.) 6 de abril de 2018.
- ↑ Top 100 Albumes – Semana 15: del 6.4.2018 al 12.4.2018. Productores de Música de España.
- ↑ «María Parrado presenta su nuevo single "Calcetines"» 100% Pop Español 2021-12-04.
- ↑ «"Conmigo" es el nuevo álbum de María Parrado» 100% Pop Español 2022-01-16.
- ↑ Neox Fan Awards 2015: Cantante que perseguirías. Antena 3 TV.
|30em
Kanpo estekak
aldatu- Maria Parrado AllMusic-en (ingelesez)
- María Parrado Internet Movie Databaseren webgunean (Ingelesez)
- Maria ParradoVEVO YouTuben
Datuak: Q28921913
| Aurrekoa:
- |
Espainiako La Voz Kids 1. edizioko irabazlea
2014 |
Hurrengoa:
José María Ruiz |