María Belón
Maria Belon (Madril, 1965) madrildar medikua, abokatua eta gidoilaria da. 2004ko Indiako Ozeanoko lurrikaratik bizirik irteteagatik ezaguna, Thailandian Enrique «Quique» Alvarez senarrarekin eta Lucas, Simon eta Tomas hiru semeekin oporretan zegoenean. Tsunamian larri zauritu zen eta hiltzeko zorian egon zen.[1][2]
María Belón | |
---|---|
Bizitza | |
Jaiotza | Madril, 1940 (83/84 urte) |
Herrialdea | ![]() |
Lehen hizkuntza | gaztelania |
Hezkuntza | |
Hizkuntzak | gaztelania |
Jarduerak | |
Jarduerak | medikua, abokatua eta gidoilaria |
![]() ![]() |
2012an Juan Antonio Bayonaren The Impossible filmean Naomi Wattsek antzeztu zuen bere papera, eta Oscar sarietarako izendapena jaso zuen, bere jardunarengatik emakumezko aktore onenaren atalean.[1][3][4]
Bizitza
aldatuTsunamia
aldatu2004ko abenduaren 26an, María Belón eleberri espainiar bat irakurtzen ari zen, Carlos Ruiz Zafón idazlearen La sombra del viento, konplexu turistiko bateko igerileku ondoan, Khao Lak-en (Thailandia), bere hiru semeak, Lucas (10), Tomás (8) eta Simon (5), uretan bainatzen ari ziren bitartean. Belón eta bere senarra Eguberrietako oporretan zeuden; aurreko eguna opariak banatzen eman zuten, teleskopio bat eta hoteleko opari-dendako pilota bat barne. Minutu gutxiren buruan, beren bizitza betiko aldatu zen. "Bat-batean zarata izugarria entzun genuen, milaka hegazkin handiren soinua bezalakoa", esan zuen. Handik gutxira, 2004ko Indiako ozeanoko tsunamiaren uholde-indarrak eraman zuen Alvarez-Belón familia. María urak eramaten ari zela, Lucas seme nagusia aurkitu zuen. Bien artean, elkarri lagundu zioten bizirik iraun ahal izateko. Halako batean, bertako batzuek aurkitu zituzten, eta haiek arduratu ziren Maria eta haren semea ospitalera eramateaz. Lucas ospitaleko egonaldian, jendeari bere senideak aurkitzen laguntzen jardun zuen.
Bestalde, Quiquek, Maríaren senarrak, Tomás eta Simón bere bi seme txikiekin egin zuen topo. Haiek babesleku batera bidali zituen, María eta Lucas bilatzen jarraitu ahal izateko. Tomás eta Simón auto batean eraman zituzten, haur-talde batekin. Simón María eta Lucas zeuden ospitalean jaitsi zen. Aita azkenean heldu zen ospitale horretara, beste hainbaten bila ibili ondoren.[5]
María Singapurreko ospitale nagusira eraman zuten, sendatze prozesuarekin jarraitzeko, barne politraumatismoak zituelako.
The Impossible filma
aldatuMaría oso sartuta egon zen The Impossible filma egiteko lanetan, eta filma filmatzeko setean egon zen Thailandian, tsunamiaren leku berberetan. Maríak Naomi Watts aukeratu zuen pelikulan antzez zezan, 21 gramo filma ikusi ostean Watts bere aktore gustukoena zela esanez. Gidoia idazten ere lagundu zuen.[6]
Telebista saio ugaritan agertu da María, besteak beste, Charlie Rose eta The View-n, tsunamian bizitako esperientziaz eta filma egiteko izan zuen inplikazioari buruz hitz egiteko. Oso argi utzi du bere biziraupen-historia ez dela bakarra izan, bera sufritu eta bizirik iraun zutenetako bat baino ez dela. Gertaeraren ostean, hizlari eta psikoterapeuta aritu da. Mariak hauxe adierazi du bere esperientziari buruz:
«Tsunamia bizitza baloratzen ikasteko oparia izan zen. Nire bizitza osoaren aparteko denbora da. Ez dago ezberdintasunik ni, bizirik dagoen María izeneko emakume espainiarra, eta itsaso azpian dauden milaka amaren artean. Nik ez dut bizirik egotea merezi izan, baina bizitza ez da bidezkoa. Oinazea eta errukia sentitzen ditut maite zituztenak bizirik edo galdurik iraun ez zuten beste hainbatekiko. Nire historia guztia nire gorputzean dago. Eta zoragarria da, bizirik nagoela esan nahi baitu».[7]
Erreferentziak
aldatu- ↑ a b (Gaztelaniaz) «La nueva vida de la verdadera protagonista de 'Lo imposible'» La Vanguardia 2023-03-12 (Noiz kontsultatua: 2024-08-17).
- ↑ «María Belón - Bilatu Bideoak» www.bing.com (Noiz kontsultatua: 2024-08-17).
- ↑ (Ingelesez) «"The Impossible" Is the True Story of a Family That Survived the 2004 Tsunami» Oprah Daily 2020-11-12 (Noiz kontsultatua: 2024-08-17).
- ↑ (Gaztelaniaz) Pantaleoni, Ana. (2012-10-24). «María, antes y después de la ola» El País ISSN 1134-6582. (Noiz kontsultatua: 2024-08-17).
- ↑ elEconomista.es. Así contó María Belón a Risto Mejide cómo vivió la historia que dio lugar a 'Lo imposible' - Ecoteuve.es. .
- ↑ The Impossible. .
- ↑ María: una sobreviviente del Tsunami 2004. .