Mahinda
Mahinda (palieraz eta sanskritoz: महिन्द्र, Mahindra; c. K.a. 285-k.a. 205)[1] Magadhan jaio zen, egungo Indiako Biharrean, budismoaren monjea izan zen. Ezaguna da zeren bera izan zen budismoa Sri Lankan zabaldu zuena. Haren aita Maurya Inperioaren Asoka enperadorea izan zen.
| Mahinda | |
|---|---|
.jpg) | |
| Bizitza | |
| Jaiotza | Pataliputra (en)  , K.a. 270(e)ko hamarkada |
| Herrialdea | Maurya Inperioa |
| Heriotza | Anuradhapura, K.a. 204 (56/66 urte) |
| Familia | |
| Aita | Asoka |
| Ama | Devi |
| Anai-arrebak | ikusi
|
| Leinua | Maurya dynasty (en) |
| Irakaslea(k) | Moggaliputta-Tissa (en) |
| Jarduerak | |
| Jarduerak | Bhikkhu (en) |
| Sinesmenak eta ideologia | |
| Erlijioa | Vibhajyavāda (en) |
.jpg)
Biografia aldatu
Mahinda Vidisha bizi zen haurtzaroan, amarekin batera. Hogei urte zituelarik Moggaliputta-Tissaren eraginez, bonze bihurtu zen; Moggaliputta-Tissa Mahindaren aitaren aholkulari espirituala zen. Tripitaka ondo ikasi zuen. Moggaliputta-Tissak Sri Lanakara bidali zuen budismoa herrialde horretara zabaltzeko. Mahindarekin batera beste ikasle batzuk joan ziren: Itthiya, Uttiya, Sambala, Bhaddasala eta Samanera Sumana. Gaur egun urtero Poson edo Mahinda jaialdia ospatzen da uhartera ailegatu zenean ospatzeko eta, nolabait, budismoaren hasiera Sri Lankan.
Testigantzak aldatu
Bi erlijio kronika handiek azaltzen dute Mahindaren bidaia eta Devanampiya Tissa erregearen budismora konbertitzearen prozesua. Bi kronika horiek Dipavamsa eta Mahavamsa dira. Badira ere kronika literarioek data horiek baieztatzen dituztenak, hau da, budismoa Sri Lankara K. a. III. mendean heldu zela, gutxi gorabehera Mahinda joan zen urtetan.[2]
Erreferentziak aldatu
Ikus, gainera aldatu
Kanpo estekak aldatu
- (Ingelesez) Mahinda Thera.
- (Ingelesez) Lehenengo Budismoa Sri Lankan.
- (Ingelesez) Budismoaren historia Sri Lankan.
Datuak: Q587284
