Leslie Barnett

Leslie Barnett (1920ko urriaren 12a - 2002ko otsailaren 10a) biologo britaniar bat izan zen Francis Crick, Sydney Brenner eta Richard J.Watts-Tobinekin batera lan egin zuena proteinaren itzulpen kodearen izaera genetikoki frogatzen, 1961eko Crick, Brenner et al.experiment izeneko esperimentuaren bitartez. Koadroaren desplazamendu-mutazioak aurkitu zituen, horrela kode genetikoaren izaera argitzea ahalbidetu zuen.

Leslie Barnett
Bizitza
Jaiotza	Londres, 1920ko urriaren 12a
Herrialdea	Erresuma Batua Britainia Handia eta Irlandako Erresuma Batua  1927ko apirilaren 12a)
Heriotza	2002ko otsailaren 10a (81 urte)
Hobiratze lekua	Cambridge City Cemetery (en)
Hezkuntza
Hizkuntzak	ingelesa
Jarduerak
Jarduerak	biologo molekularra

Bere bizitza profesionalean, Barnett Cambridgeko Biologia Molekularreko Laborategian aritu zen mikrobiologoa izan zen, bertan laguntzaile gisa lan egin zuen batez ere Crickekin, eta ondoren Brennerrekin. Urte askoan egon zen berarekin honek alde egin zuen arte eta bera erretiratu zen arte. Epe luze horretan, Barnettek XX.mendeko biologia molekular eta genetikoko aurrerapen garrantzitsu batzuetan parte hartu zuen.

Karrera

Karreraren hasiera

Bigarren Mundu Gerraren hasieran, Essexeko Nekazaritza institutuan trebatzen hasi zen, baina 1939an Felixtowen hasi zen lanean, bertako esnetegi batean esne-analisiak egiten ikasten, geroago Londreseko United Dairiesen. Banburyko ebakuazioaren eta beste lan batzuen ondoren, Londresera itzuli zen, bertan James ezagutu eta 1945ean ezkondu zen berarekin. Berak Reading Unibertsitateko plaza baten eskaintza onartzeko eskatu zion, berak egun horiek bere bizitzako egun zoriontsuenetarikoak bezela gogoratu zituen, esnetegiko lizentziatura lortzeko ikasten. Lesliek James maite zuen oraindik, haien alabak txikiak zirenean banatu ziren arren. Bi alaba izan zituzten, Penny eta Marion.

Barnett teknikari gisa hasi zen lanean MRCko Unitatean, Cavendish Laborategia Cambridgeko "The Hut" era lekualdatu baino zerbait lehenago. Bere eginkizuna kristalografoei informatikaren bidez laguntzea zen. Hala ere, Sydney Brenner iritsi zenean, laguntza behar izan zen fagoei buruzko ikerketa martxan jartzeko eta ondoren Seymour Benzer eta beste bisitari estatubatuar batzuk udazken horretan iristera prestatzeko. Lesliek Vernon Ingramekin lan egin zuen GLU aminoazidotik VALerako aldaketa zehazten Hb-ren beta katean, zelula faltziformeen fenotipoaren arduraduna; hau izan zen karakterizatutako lehen gaixotasun molekularra. Barnettek bere aldakortasuna erakutsi zuen Brennerren programara joan zenean eta laborategiko lanari ekarpen garrantzitsua egin zionean, emaitzei buruzko bere bi artikulu nagusien egilekide bihurtuz. 1966an Cambridgeko Clare Hall graduatuen ikastetxe berriko tutore nagusi izendatu zuten. Lan honetan oso ezaguna bilakatu zen.

Brenner 1986an erretiratu ondoren, Barnettek LMB utzi zuen berarentzat lan egiteko Addenbrooke Ospitaleko MRCko Genetika Molekularreko Unitate berrian.

Barnettek Sydney Brennerren laborategia sortzen ere lagundu zuen Singapurren, urte batzuk geroago.

Geroagoko karrera

Clare Hall-en, sortutako graduatuen ikastetxe berrian parte hartzeko hautatutako lehen bekadunetako bat izan zen Barnett. 1972an ikasle graduatuen tutore bihurtu zen; 1975ean tutore nagusi bilakatu zen, 1985ean erretiratu zen arte mantendu zuen postua. Nazionalitate, adin eta ikasgai desberdinetako ehunka ikaslek gogoratzen dute, "Etengabeko arretagatik, arazoak konpontzeko erraztasunagatik eta duen ama-maitasunagatik bereziki.

Barnettek ikastetxeko gaietan zeregin garrantzitsua izan zuen, bereziki ekitaldi sozialen eta jaien antolaketan, gogoan izango dute bere eskolako lankide eta lagunek. Ikastetxeari egindako ekarpenaren erakusgarri, Administrazio Kontseiluak Leslie Barnett House izeneko ikasle-egoitza bat sortu du, eta brontzesko buru bat, Lois Tilbrook egina, bere omenez. Erretiroa hartu zuenean, kide emeritu izendatu zuten eta hainbat alditan gerturatu zen bere gaixotasuna hasi zitzaion arte.

Omenaldiak

Eric Miller, 1986-87 urteetan Biologia Molekularreko Laborategian zientzialari bisitaria izandakoak, honako hau idatzi zuen: "Leslie Barnett geneen egiturari eta funtzioari egindako ekarpen zientifiko izugarriengatik ezagun bilakatu behar da. Ikuspegi profesionaletik, eta ziur nago Francis Crickek eta Sydney Brennerrek egiaztatuko dutela, biologia molekularraren funtsezko aurkikuntza asko ez ziren gertatuko Lesliek bankuari eta esperimentuei emandako begirada arretatsu eta ikuspegi sendoarengatik izango ez balira." Alex Richek eta biok 1955ean Leslie kontratau genuen guretzat X izpiekin kalkulu batzuk egiteko, garai hartan ordenagailu elektronikoak oso primitiboak baitziren. Lesliek prestakuntza biologikoa zuela jakin genuenean, hainbat lan esperimental egin zituen. Besteak beste, T4 fagoko fase-aldaketako mutanteetan lan egin zuen gurekin. Oso baliotsua izan zen, beti izan baitzen oso esperimentalista arduratsua eta zorrotza.

Kanpo estekak

• Datuak: Q7435