Larreko saria

Larreko saria Iruñeko Euskalerriak irratiak 1995. urtean eratutako saria da, kulturan, euskalaritzan zein euskaltzaletasunean nabarmendu diren pertsona, erakunde zein kolektiboen lana eta bultzadari aitortza egiteko eta horiek eskertzeko. Hainbat urtez eman izan du saria irratiak, eta Nafarroan jardun dutenak izan dira jasotzaileak.

Larreko izena Pablo Fermin Irigarai auriztarraren omenez hautatua izan zen, Larreko zena bera Nafarroan euskal kulturaren aintzindarietakoa izan baitzen. Idazle eta medikua, Gerla urte, gezur urte kronika liburu berdingaitza utzi zuen idatzita, bai eta garaiko aldizkarietan lan asko argitaratuta ere.

Honakoak izan dira Larreko saria jaso dutenak urtez urte eta azkenekotik hasita:

2010 - Iruñerriko eta Tafallako Mintzakide egitasmoak

2009 - Hasierako euskal irratien bultzatzaileak

2008 - Xanti Begiristain idazlea

2007 - Joxemiel Bidador idazle eta ikertzailea

2006 - Zaldiko Maldiko elkartea

2005 - Seme alabak euskaraz hazi dituzten Iruñerriko amak

2004 - Sortzen-Ikasbatuaz eta Nafarroako Ikastolen Elkartea, biak elkarlanean

2003 - Euskaldunon Egunkariaren Iruñeko ordezkaritzako langileak

2002 - Jose Maria Satrustegi euskalaria

2001 - Udal hautetsien mugimendua

2000 - Xabier Cunchillos euskaltzalea