Larreetako lili
Larreetako lilia (Iris graminea)[1] Iridaceae familiako landare espezie bat da. Errizomadun landare bizikorra da, lore more biziak dituena, nahiz eta sarritan belar artean ezkutaturik egoten diren. Europan du jatorria, Iberiar penintsulatik mendebaldeko Errusiaraino.
Larreetako lili | |
---|---|
Sailkapen zientifikoa | |
Erreinua | Plantae |
Ordena | Asparagales |
Familia | Iridaceae |
Leinua | Irideae |
Generoa | Iris |
Espeziea | Iris graminea |
Deskribapena
aldatuErrizoma erako sustraia du[2] eta handik 20-45 cm-ko altuera hartzen duen zurtoina ateratzen da[1]. Hosto lantzeolatu finak ditu, kolore berde bizikoak, baina udaberrian ilundu egiten direnak[3]. Loreak dauden ziriak baino luzeagoak dira[4].
Lore more-urdin bitxiak ditu. Zirien buruetan bi lore ateratzen dira, 8 cm ingurukoak[1]. Sei petalo dituzte loreek, erdian hiru txiki, ardoaren kolorekoak, eta kanporantz hiru handi, erdiraino moreak zain gorrindol deigarriarekin eta puntan urdinak, nerbiadura zuri eta horiekin. Loreak usaintsuak dira.
Habitata
aldatuLur heze eta azidoak atsegin ditu. Lili honen graminea izenak adierazten du belarren tamaina duela eta sarritan inguruko landareek estaltzen dute[1].
Erabilera
aldatuLandare apaingarri gisa erabiltzen da, arroikaiak eta perterreak dekoratzeko. Lore sortatan ere erabiltzen da duen usain ederrarengatik.
Iruditegia
aldatu-
Landarea.
-
Lorea.
-
Mnemosine tximeleta larreetako lilian pausaturik.
Erreferentziak
aldatu- ↑ a b c d Larreetako lilia, Iris graminea « Atariaren bloga. (Noiz kontsultatua: 2023-09-15).
- ↑ (Ingelesez) Group, British Iris Society Species. (1997-03-27). A Guide to Species Irises: Their Identification and Cultivation. Cambridge University Press ISBN 978-0-521-44074-5. (Noiz kontsultatua: 2023-09-15).
- ↑ «Iris graminea | Wild Ginger Farm» wildgingerfarm.com (Noiz kontsultatua: 2023-09-15).
- ↑ Geoff Stebbings. (1997). The gardener's guide to growing irises. David & Charles ISBN 978-0-88192-388-9. (Noiz kontsultatua: 2023-09-15).