Lael Wilcox
Lael Wilcox (Anchorage, Alaska, 1987ko uztailaren 18a) Estatu Batuetako ultra-distantziako txirrindulari profesionala da. 2016an 4.400 miliatako Trans Am Bike Race lasterketa irabazi zuen, hori lortzen zuen lehen emakumezkoa eta lehen estatubatuarra izan zen[1].
| Lael Wilcox | |
|---|---|
| Bizitza | |
| Jaiotza | Anchorage, 1987 (36/37 urte) |
| Herrialdea |  Ameriketako Estatu Batuak |
| Hezkuntza | |
| Heziketa | University of Puget Sound (en)  |
| Jarduerak | |
| Jarduerak | txirrindularia |
| Ibilbidea | |
| Taldeak | Urteak |
| laelwilcox.com | |
  | |
Biografia
aldatuAnchoragen jaio eta hazi zen eta 2008an Puget Sound Unibertsitatean Natur Zientzietako eta Frantziar literaturako ikasketak atera zituen[2].
2008an hasi zen bizikletan ibiltzen, Nicholas Carman mutil lagunarekin munduari bira ematea erabaki zuenean. Ipar Amerikan hasi, Ekialdeko Europa ondoren, Ekialde Hurbila eta Afrika korritu zituztenerako 100.000 milia eginak zituzten[3]. 2017an banatu egin ziren[2] eta 2021ean Rugile "Rue" Kaladyte kazetari argazkilariarekin ezkondu zen, Wilcoxen ibilbidean argazki ugari atera zituelako ezagutu zuten elkar[4].
Kirol lorpenak
aldatu2015ean Tour Divide-ko emakumezkoen errekorra hautsi zuen aurreko markari bi egun kenduz. 2.745 milia osatzeko erlojupekoan 15 egun, 10 ordu eta 59 minutu erabili zituen[5]. Urte berean Baja Divide-ko emakumezkoen errekorra hautsi zuen eta 2017an gizonezkoen errekorra ere gainditu zuen, 11 egun 13 ordu eta 2 minutu eginez[6].
2016an Trans Am Bike Race lasterketan hartu zuen parte. Lasterketa honek 4.400 miliako ibilbidean Estatu Batuak kostatik kostara zeharkatzen ditu[1]. Egunero 235 milia egin zituen batazbeste, bost ordu lo eginez, eta txirrindularitza ekipamendurik gabe irabazlea izan zen. Lasterketaren hirugarren ekitaldia zen eta garaipena lortzen zuen lehen emakumezkoa eta lehen estatubatuarra izan zen.
2018an Suitzako Navad 100 lasterketan bigarren egin zuen[7].
2022an Islandiako Westfjords Way Challenge lasterketaren lehen ekitaldia irabazi zuen[8].
Erreferentziak
aldatu- ↑ a b (Ingelesez) «6 Myths About Women's Cycling That Need to Die» Bicycling 2018-02-01 (Noiz kontsultatua: 2024-06-18).
- ↑ a b (Ingelesez) «Lael Wilcox Is the Best. Why Does Anyone Else Bother?» Bicycling 2019-01-11 (Noiz kontsultatua: 2024-06-18).
- ↑ Anchorage Daily News. (2016-04-26). What dozens of cyclists did for these 3rd-graders. (Noiz kontsultatua: 2024-06-18).
- ↑ «Puget Sound Stories · University of Puget Sound» web.archive.org 2021-01-16 (Noiz kontsultatua: 2024-06-18).
- ↑ (Ingelesez) gypsybytrade. (2015-08-24). «Lael Wilcox completes Tour Divide ITT in 15:10:59» gypsy by trade (Noiz kontsultatua: 2024-06-18).
- ↑ (Ingelesez) «Lael Wilcox» gypsy by trade 2017-03-15 (Noiz kontsultatua: 2024-06-18).
- ↑ (Ingelesez) Welch, Betsy. (2018-09-21). «Divide and Conquer» BikeMag (Noiz kontsultatua: 2024-06-18).
- ↑ «970 kílómetra hjólreiðaaflraun lokið á Vestfjörðum - RÚV.is» RÚV 2022-07-04 (Noiz kontsultatua: 2024-06-18).
Kanpo estekak
aldatu
Datuak: Q48977527
