Ireki menu nagusia

La Hazako leizea edo El Hazako leizea Kantabriako Ramales de la Victoria udalerrian dagoen leizezulo bat da. Hermilio Alcalde del Riok eta Lorenzo Sierrak aurkitu zuten, aurkikuntzen argitalpena Henri Breuilekin batera egin zen arren. Kobazulo txiki bat da, baina bere kokapenak eta bere hondarrek oso interesgarri bihurtzen dute eta horregatik ikertua izaten jarraitzen du.

La Hazako leizea
Cueva de El Haza.jpg
La Hazako leizea hemen kokatua: Espainia
La Hazako leizea
La Hazako leizea
La Hazako leizea (Espainia)
Koordenatuak 43° 15′ 23″ N, 3° 27′ 52″ W / 43.25638889°N,3.46444444°W / 43.25638889; -3.46444444Koordenatuak: 43° 15′ 23″ N, 3° 27′ 52″ W / 43.25638889°N,3.46444444°W / 43.25638889; -3.46444444
Margoak bai
Aztarnak bai

Kobazulo honek garrantzi bikoitza du, batetik espeleologo eta arkeologoek ikertzen baitute. Bestetik, baina, interes are nabarmenagoa du, kobazuloan Solutrear garaiko hondarrak aurkitu baitira, margo mordoaz gain. Margo hauen artean zaldiak, ahuntzaren familiako animaliak, orein bat, elur-orein bat, identifikatu gabeko lau hankako animalia bat eta zeinuren batzuk daude. Badaude identifikatu gabeko animalia zatiak ere, hau, zein lehen deskribaturiko margo guztiak, Leroi-Gourhanen III Estiloko margo gorrizkoak diren arren.

Gaur egun publikoarentzako bisita mugatua dago kontserbazio arrazoiengatik. Soilik arkeologo, espeleologo eta geografoek bisita dezakete, baina aurretik Kantabriako gobernuari baimena eskatu badiote.

2000ko hamarkadara arte itxitura metalezko atetzar batekin egina zegoen, margoentzako kaltegarria izan zena, kobazuloaren orientazioagatik honek Eguzkitara jarria ordu asko igarotzen baititu eta baldintza negatiboak sortzen ziren, tenperatura altuarekin. Ordutik, ateak kontserbazioa egokia ahalbidetzen duten zulo ugari ditu.