Kohesore
Kohesorea lehenengo irrati-hargailuek zerabilten irrati-seinale detektagailua da, XX. mendearen hasieran, haririk gabeko telegrafiaren garaian. Édouard Branly frantziar fisikariak 1890ean asmatua, hainbat fisikarik eta asmatzailek egokitu zuten.
![](http://upload.wikimedia.org/wikipedia/commons/thumb/7/7e/Coherer.jpg/200px-Coherer.jpg)
Kohesorea distantzia txiki batez aldaratutako bi elektrodo dituen hodia edo kapsula da. Bi elektrodoen arteko tartean, metalezko txirbilak ditu. Gailuak irrati maiztasuna duen seinale bat hartzen duenean, metalezko txirbilak kohesionatzen"dira; hau da, elkarren artean itsasten dira. Kohesioari esker, korronte elektriko handiagoa pasatzen uzten du. Behin irrati-seinalea amaitutakoan, txirbilek itsatsita jarraitzen dute. Beraz, kohesioa hausteko elektroiman batek eragindako ezkila-mihi batez jotzen da.