Jesus Haur kapela luzeduna
Jesus Haur kapela luzeduna —portugesez: Menino Jesus da Cartolinha, mirandesez: Nino Jasus de la Cartolica[1]— Miranda do Douroko elizan dagoen Jesus Haurraren estatua da.
Estatua aldatu
Jesus Haurraren estatua XVII. mendearen amaieran[2] edo XVIII. mendearen hasieran[1] egin zela uste da. 1722ko dokumentuetan aurki daitezke aipamenak[2]. Kapela luzea berriagoa da, ziurrenik 1880ko edo 1890eko hamarkadakoa[1]. Badaude lehenagoko garai bateko estatuaren irudiak, non Jesus Haurrak lastozko kapela bat daraman[3].
Urtean zehar, estatua kolore liturgikoko jantziekin jantzita dago: Garizuman eta abendualdian moreak dira, Eguberrian eta Pazkoan zuriak, Mendekostean gorriak, denbora arruntean berdeak[2].
Urtero, Epifania aurreko edo ondorengo igandean, capa de honras jartzen zaio estatuari, eta gero lau mutilek eliza inguratuz eramaten dute prozesio solemne baten abangoardian[3].
Miranda do Douron, Jesus Haur kapela luzedunari haurren zaindaritzat hartzen zaio[4].
Kondairak aldatu
Hainbat kondaira daude Jesus Haur kapela luzedunaren estatuari buruzkoak. Haietako baten arabera, 1710ean[2] edo 1711n[3], gudari espainiarrek Miranda do Douro hainbat hilabetetan setiatu ondoren, bat-batean ezerezetik haur (edo mutil gazte[3]) bat agertu zen, gudari noblez jantzita, biztanleei herria defendatzeko deia eginez. Jendeak gosea eta egarria jasaten zuen, erresistentziarako indarrik zeukanik sinetsi gabe. Mutilaren hitzetatik, indarberritu ziren denek, eta guduaren ostean inbaditzaileak kanporatu zituzten. Erreskatearekin poztuta, mutil zoragarria aurkitzen saiatu ziren, baina desagertu egin zen[1].
Beste kondaira baten arabera, Miranda do Douroko ofizial gazte bat setioan hil zen. Emaztegaiak agindu zuen bere memoria ohoratuko zuela Jesus Haurraren estatuari gerra ostean senargaiak jantziko zuen uniforme militar bera emanez[1].
António Rodrigues Mourinho Miranda do Douro museoko zuzendariak kondairaren beste bertsio batzuk daudela aipatzen du: esaterako, elizan aterpea eman zioten negarrez ari zen haurrari buruzkoa[2], edo Jesus Haurra bere maitalearen uniforme militar berarekin janzten zuen mojaren zorigaiztoko maitasunari buruzkoa (hala ere, Miranda do Douron ez zen inoiz mojategirik egon)[3].
Kulturan aldatu
José Saramagok Jesus Haur kapela luzedunaren estatua «Viagem a Portugal» bidai-oharretan aipatu zuen[4].
2007an, Vergílio Alberto Vieirak Jesus Haur kapela luzedunari buruzko liburu bat argitaratu zuen[5].
Erreferentziak aldatu
- ↑ a b c d e (Portugesez) «Menino Jesus da Cartolinha: o Guardião dos Mirandeses» NCultura.
- ↑ a b c d e (Portugesez) «Menino Jesus da Cartolinha e de muitas lendas em Miranda do Douro» Sapo.
- ↑ a b c d e (Portugesez) Rodrigues Mourinho, António. «O Menino Jesus da Cartolinha» Miranda do Douro.
- ↑ a b (Gaztelaniaz) «La figura del Niño Jesús más original del mundo nos atrapa en Miranda Do Douro» CYLTV.
- ↑ (Portugesez) «O Menino de Jesus da Cartolinha: Um Auto de Natal (Sugestão de Leitura)» Biblioteca Municipal de Amares.
Kanpo estekak aldatu
Datuak: Q116702231
