Júlia Coromines

Júlia Coromines
Bizitza
Jaiotzako izen-deiturak	Júlia Coromines i Vigneaux
Jaiotza	Bartzelona, 1910eko urriaren 17a
Herrialdea	Katalunia
Heriotza	2011ko martxoaren 30a (100 urte)
Familia
Aita	Pere Coromines
Ama	Celestina Vigneaux i Cibils
Anai-arrebak	ikusi Joan Coromines; Ernest Corominas (en) ;
Hezkuntza
Hizkuntzak	gaztelania; katalana
Jarduerak
Jarduerak	medikua, psikiatra eta psikologoa
Jasotako sariak	ikusi Sant Jordiren gurutzea (1997) ;

Júlia Coromines i Vigneaux (Bartzelona, Katalunia, 1910eko urriaren 17a - 2011ko martxoaren 30a) kataluniar medikua, psikiatra eta psikoanalista izan zen.

Biografia aldatu

Pedro Corominas eta Celestina Vigneaux-en alaba eta Joan Coromines filologoaren eta Ernest Corominas matematikariaren arreba izan zen. Bartzelonako Unibertsitatean (1934) medikuntza eta kirurgian lizentziatu zen. 1936tik 1938ra, Kataluniako Generalitateak haurtzaindegietako mediku izendatu zuen.

Espainiako Gerra Zibilaren ostean erbesteratu egin zen, lehenengo Parisen eta bertako medikuntza fakultatean diplomatu zen(1939), eta gero Argentinan, 1944an Madrilera itzuli zen arte, doktoretza ikastaroa egiteko, eta hurrengo urtean Bartzelonan finkatu zen. 1947an Espainiako Gobernuaren beka bat lortu zuen Londresko Tavistock Klinikan psikiatria eta psikoterapia ikasteko. Han, psikoanalisia eta diziplina horretan trebatzeko aukera izan zituen.

1950aren amaieran, psikoanalisia sartu zuen Espainian, Pere Bofill eta Pere Folchekin batera. Orduz geroztik, etengabe egin du lan arlo horretan. Psikoanalisien Espainiako Elkartearen (1971-77) sortzailea eta ondoren lehendakaria izan da, Bartzelonako Psikoanalisien Institutuaren sortzailea (1971), Revista Catalana de Psicoanálisis (1984) aldizkariaren zuzendaria eta Psikoterapia Psikoanalitikoaren Zentroaren sortzaileetako bat (1986). Gainera, Espainiako Garun Paralisiko lehen Zentro Pilotua sortu zuen, eta denbora batez zuzendu ere egin zuen.

Lehen haurtzaroko garapen psikologikoari buruzko ikerketak nabarmendu behar dira, eta ekarpen nabarmenak egin ditu psikologia arkaikoaren eta garapen goiztiarraren arloetan.

Aitortzak aldatu

1977an Sant Jordiko Gurutzea eman zioten.

Lanak aldatu

1991: Psicopatologia i desenvolupaments arcaics
1996: Psicoterapia de grupos con niños (edición Lluís Farré, Montserrat Martínez eta Núria Camps-ekin batera).

Kanpo estekak aldatu

Datuak: Q9016932