Hygrophorus camarophyllus var. calophyllus
Hygrophorus camarophyllus var. calophyllus Hygrophoraceae familiako onddo espezie bat da.[1] Jangarria. Nahiko haragitsua eta errendimendu apalekoa. Arriskurik gabe kontsumi daiteke.
Hygrophorus camarophyllus var. calophyllus | |
---|---|
Iraute egoera | |
Galzorian (IUCN 3.1) | |
Sailkapen zientifikoa | |
Erreinua | Fungi |
Klasea | Agaricomycetes |
Ordena | Agaricales |
Familia | Hygrophoraceae |
Generoa | Hygrophorus |
Espeziea | Hygrophorus calophyllus P.Karst., 1876 |
Sinonimoak: Limacium calophyllum, Hygrophorus calophyllus, Hygrophorus caprinus var. calophyllus, Camarophyllus calophyllus.
Deskribapena aldatu
Kapela: 4 eta 8 cm bitarteko diametrokoa, haragitsua; ganbila gero laua, titi apur batekin edo konkorduna; fuliginosoa, arre kolorekoa, zuntzexkekin; leuna; likatsua.
Orriak: Kolore arrosa bizi eder batekoak, edo baita haragi-horixka kolorekoak ere, zabal, lodiak, erabat dekurrenteak.
Orri dekurrenteak: Hanka ukitzeaz gain, beherantz jarraitzen duten orriak.
Hanka: 4 eta 6 cm bitarteko garaierakoa eta 0,7 eta 1,5 cm bitarteko lodierakoa. Kapelaren kolorekoa, baina argiagoa, pikor xeheak goiko aldean; zilindrikoa edo pixka bat borra formakoa, fibrilosoa.
Haragia: Zuria, ia usain gabea eta zapore atseginekoa.[2]
Etimologia: Hygrophorus hitza grekotik dator, heze eta ekarri beharreko "phoréo"-tik, hau da, hezetasuna bildu eta kontserbatzen duenetik. Calophyllus epitetoa ere grekotik dator, eder, esan nahi duen, "kalos" hitzetik eta orri, esan nahi duen "phyllon" hitzetik. Orrien kolore arrosagatik.
Jangarritasuna aldatu
Jangarria.[3]
Nahasketa arriskua aldatu
Oharra: Hygroporus eder bat da, Hygrophorus caprinus delakoaren oso antzekoa, baina orri lirainak ditu, arrosa kolorekoak, eta kapela ez da hain haritsua, ia leuna, arrexka ilun kolorekoa.
Sasoia eta lekua aldatu
Udazkenean. Koniferoen basoetan, batez ere pinuetan eta alertzeetan, mendian.
Banaketa eremua aldatu
Kanada, Ameriketako Estatu Batuak, Islandia, Europa, Errusia, Japonia.[4]
Erreferentziak aldatu
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 118 or. ISBN 84-282-0865-4..
- ↑ (Gaztelaniaz) Cetto, Bruno. (1987). Guia de los hongos de Europa. Ediciones Omega, S. A. Barcelona, 457 or. ISBN 84-282-0540-X (T. 2). ISBN: 84-282-0538-8 (O.C.)..
- ↑ Hygrophorus calophyllus: GBIF—the Global Biodiversity Information Facility.