Honda Japoniako auto- eta motozikleta-fabrikatzailea da, 1948. urtean sortua. Motozikletak egiten hasi zen, eta erabat aldatu zuen industria hori, Europako zilindro handiko motozikleta-fabrikatzaile tradizionalak desagerrarazteraino; kirol-motozikletaren kontzeptu berri bat sortu zuen.

Honda
Honda.svg
Datuak
Mota automobile manufacturer (en) Itzuli, motorcycle manufacturer (en) Itzuli eta manufacturing company (en) Itzuli
Industria automobilgintza
Herrialdea Japonia
Jarduera
Kidetza Open Automotive Alliance (en) Itzuli eta Linux Foundation (en) Itzuli
Honen parte Nikkei 225 eta TOPIX Core 30 (en) Itzuli
Filialak
Ekoizpena
Gobernantza
Zuzendari exekutiboa Takahiro Hachigō (en) Itzuli
Zuzendaria Takahiro Hachigō (en) Itzuli
Egoitza Minato
Forma juridikoa kabushiki gaisha
Jabea Soichiro Honda
Zeren jabe
Balore-burtsa Tokyo Stock Exchange (en) Itzuli eta New Yorkeko burtsa
Historia
Sorrera 1948ko irailaren 24a
Sortzailea
Sorrera lekua Tokio

global.honda


Facebook icon 192.pngTwitter Logo.pngInstagram logo 2016.svg

1962an motozikletez gainera, autoak ere fabrikatzen hastea erabaki zuen Hondak; auto txikiak egiten hasi zen horrela, mota horretako autoen eskaria gero eta handiagoa baitzen Japonian. Auto horiek, bestela badirudi ere, oso teknologia aurreratua dute, eta kirol-auto txikien antzekoak dira: S 600 autoak, esaterako, 606 zentimetro kubikoko motorrarekin, 57 zaldiren indarra du. Antzeko ezaugarriak ditu, baita ere, S 800 autoak, aurrekoa baino handitxeagoa eta lau zilindroko motorrarekin.

Baina Honda etxearen urterik onenak 1970eko hamarraldikoak izan ziren, Civic txiki arrakastatsua agertu zenez geroztik. Besteak beste, transmisio automatikoa zuen, auto txikiek ohi ez bezala. Hamarraldiaren erdialdean auto handiagoa egin zuen, Accord, merkea eta gutxi kontsumitzen zuena. Hamarraldi haren bukaeran, berriz, merkatuaren beste alor batzuk bereganatu nahian, Prelude aurkeztu zuen; Honda etxeko auto guztiak bezala, teknologiaren berritasunagatik eta kalitateagatik nabarmendu zen hura ere. Hurrengo urteetan Europako merkatura zabaldu eta lantegia jarri zuen Britainia Handian. Aurrez aipaturikoez gainera, Hondaren modelo aipagarria da NSX kirol-autoa, ospe handiko marketako beste auto batzuen parekoa, baina haiek baino askoz merkeagoa.

ErreferentziakAldatu

Kanpo estekakAldatu