Glastonburyko abadia

Glanstonburyko abadia Hego-ekialdeko Ingalaterrako Somerset konderriko Glastonbury udalerrian dauden antzinako monasterio baten hondakinak dira.

Glastonburyko abadia
Glastonbury Abbey
Ondasun Ingelesa
Hondakinak. Irudi gehiago
Kokapena
Estatu burujabe	Erresuma Batua
Herrialdea	Ingalaterra
Koordenatuak	51°08′48″N 2°42′54″W
Historia eta erabilera
Irekiera	712
Erlijioa	katolizismoa
Suntsipena	1539 (egutegi gregorianoa)
Arkitektura
Estiloa	arkitektura erromanikoa arkitektura gotikoa
Ondarea
Ondare Ingelesa	1345447 eta 1021077
Webgune ofiziala

Historia

VII. mendean sortua izan zen eta X. mendean handitua. 1184ean sute batek ia osoki kiskaldu zuen baina atalka berreraikia izan ostean XIV. mederako Ingalaterra osoko abadia aberatsenetakoa bilakatu zen. Halere, Henrike VIII.a Ingalaterrakoaren erregealdia eta monasterioen desegitearekin batera desagina izan zen. 1539an, monasterioko azken fraidea zena, Richard Whiting (Whyting), traidore gisa Glastonburyko dorrean urkatua, arrastaka eramana eta barrenak atera zizkioten.

Kondaira

Gutxienez XII. mendetik leku hau Arturiar kondairarekin lotu ohi da. Kondaira honen arabera Glanstonbury koaklekua antzina Arturiar kondairako Avalon uhartea legokeen lekua litzateke, hortaz, Artur erregea hementxe lurperatua legoke. Izan ere, XII. mendean monasterio honetako fraideen idatzitakoaren arabera monasterioa berreraikitzen ari zirela bertan Artur erregea eta Ginebra erreginaren hilobiak eta gorpuzkinak topatu omen zituzten, bai eta haiek zirela idatzia zegoen berunezko gurutz bat ere.

Bestalde, betiere kristau kondairaren arabera, I. mendean Jose Arimateakoa bertaratu eta monasterioa sortu omen zuen.

XX. mendean eta gaur egun ere monasterioaren hondakinetan Artur erregearen hilobiaren kondaira baieztatuko luketen aztarnen bila hainbat indusketa arkeologiko burutu izan dira, aipagarrienak, 1930eko hamarkadan Ralegh Radford (1900-1999) arkeologoak egindakoak.

Abadiaren hegoaldeko ikuspegia.

Ikus gainera

• Glastonburyko dorrea

Kanpo estekak

• Glanstonburyko monasterioaren webgunea (Ingelesez)

• Datuak: Q544113
• Multimedia: Glastonbury Abbey / Q544113