Giovanni Pettinato
Giovanni Pettinato (Troina, Enna, Italia, 1934ko irailaren 24a - Erroma, Italia, 2011ko maiatzaren 19a) asiriologoa izan zen.
| Giovanni Pettinato | |
|---|---|
| Bizitza | |
| Jaiotza | Troina, 1934ko irailaren 27a |
| Herrialdea |  Italiako Erresuma (1934ko irailaren 24a - 1946ko ekainaren 18a) Italia (1946ko ekainaren 18a - 2011ko maiatzaren 19a) |
| Heriotza | Erroma, 2011ko maiatzaren 19a (76 urte) |
| Heriotza modua | : empyema (en)  |
| Hezkuntza | |
| Heziketa | Heidelbergeko Unibertsitatea |
| Hizkuntzak | italiera alemana ingelesa |
| Ikaslea(k) | ikusi
|
| Jarduerak | |
| Jarduerak | historialaria, antropologoa, unibertsitateko irakaslea, assyriologist (en) , itzultzailea, orientalista eta teologoa |
| Lantokia(k) | Erroma |
| Enplegatzailea(k) | Erromako La Sapienza Unibertsitatea |
| Jasotako sariak | |
| Kidetza | Linzeen Akademia Accademia delle Scienze di Torino |
Bizitza aldatu
Asiriologiako lizentzia eskuratu zuen Heidelbergeko Unibertsitatean (Alemania). Harrezkero, sumerologiako, asiriologiako eta Ekialdeko antzinako historiako irakasle izan zen Alemaniako eta Italiako zenbait unibertsitatetan. Bestalde, Erromako Università La Sapienzako katedradun ere izan zen. Pettinato izan zen Italiak Sirian duen zeregin arkeologikoko lehenengo epigrafista, eta berak aurkitu zuen 1969an Ibbit-Lim estatuako idatziaren esanahia, zeinari esker ezagutu baitzen Tell Mardikh antzinako Ebla zela.
Garrantzizko lanak egin ditu, orobat, Iraken eta Yemenen. Besteak beste, sumertar eta asiriar hiztegietako batzordearen zuzendaritzako kidea eta Oriens Antiquus aldizkariaren zuzendaria izan zen. Argitalpen zientifiko ugari plazaratu zituen, baina bereziki nabarmentzekoak ditu Ebla. Un impero inciso nell'argilla (1979, Ebla. Buztinean marrazturiko inperioa), Semiramide (1985), Ebla. Nuovi orizonti della storia (1986, Ebla. Historiaren helmuga berriak), Babilonia. Centro dell'Universo (1988, Babilonia, Unibertsoaren zentroa), I Sumeri (1992, Sumertarrak) eta La saga di Gilgamesh (1992, Gilgamesen saga).
Erreferentziak aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q518313
