Gertrud Leutenegger
Gertrud Leutenegger (Schwyz, 1948ko abenduaren 7a) suitzar idazlea da. Idazle garaikideen grina berbera agertzen du Leuteneggerek idazlanetan: indarrean dagoen ordena hautsi eta mundu ezezagunetara urruntzeko nahia. Asmo hori agertzen da jadanik Gertruden lehen eleberrian: Vorabend (1975, Bezperako eguna). 1977ko Ninive lanean, aldiz, kontzeptu historiko, politiko eta mitikoek zabaltzen dute ikuspegia. Ikusmoldeari dagokionez, gainera, emakumezkoa izan ohi da kontalaria. Hurrengo idazlanetan, Lebewohl gute Reise (1980, Ongi ibili eta bidaia ona izan) olerki dramatikoan eta Gouverneur (1981, Gobernatzaile) eleberrian, botere-gose patriarkalaren eta emakumezkoen maitasun-indarraren arteko borroka hartzen du gaitzat. Kontinent (1985, Kontinentea) eleberrian ere, egitura antitetikoak agertzen dira, Txinan bizi izandako maitasunaren oroitzapena herriko eguneroko bizitzarekin nahasten baita kontatzailearen buruan. Komm ins Schiff (1983, Zatoz itsasontzira) bakarrizketa lirikoak eta Meduse (1988, Medusa) kontakizunak ere, maitasun-aldarte eta -gogorapenak oroitarazten dituzte irudi bizi eta liluragarrien bidez. Beste lan hauek ere idatzi ditu: Sphärenklang. Dramatisches Poem (1999), Pomona. Roman (2004), Gleich nach dem Gotthard kommt der Mailänder Dom (2006) eta Matutin (2008).
| Gertrud Leutenegger | |
|---|---|
| Bizitza | |
| Jaiotza | Schwyz, 1948ko abenduaren 7a (76 urte) |
| Herrialdea |  Suitza |
| Hezkuntza | |
| Hizkuntzak | alemana |
| Jarduerak | |
| Jarduerak | idazlea eta poeta |
Parte-hartzailea
| |
| Jasotako sariak | ikusi
|
| Kidetza | Alemaniako hizkuntza eta literatura akademia |
Erreferentziak
aldatu- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q1515618
