GEU Elkartea

Geu elkartea Gasteizko euskaldunak biltzeko asmoz 1992an sortutako elkartea da. Elkartearen helburu nagusia euskararen erabilera sustatu eta haren inguruan sortutako komunitatea sendotzea da.

GEU Elkartea
Datuak
Mota	irabazi asmorik gabeko elkartea, irabazteko asmorik gabeko erakundea eta euskara elkartea
Herrialdea	Araba
Erabilitako hizkuntza	euskara
Agintea
Egoitza nagusi	Gasteiz
Legezko forma	Espainiako elkarte
Historia
Sorrera	1992
webgune ofiziala

Lan ildo nagusiak

GEU elkarteak esparru askotan sustatzen ditu euskarari lotutako jarduerak. Egitasmo nagusiak hauek dira:

• GEUrekin mendira: Mendirako txangoak antolatzen dituen taldea da.
• Gasteizko Irakurle Kluba: Aldizka biltzen den taldea euskaraz idatzitako edo euskarara itzulitako liburuen inguruan aritzeko, liburuaren egilearen beraren parte hartzearekin.
• Kultur Errota: Kultura eta aisialdi jardueren programa, urte osoan hiriko hainbat gunetan garatzen dena.
• Gasteizko Euskararen Agenda: Gasteizen eta Araban euskaraz antolatzen diren jarduera guztien bilduma.
• Gasteizko Mintzalaguna: Euskara praktikatu nahi dutenen topagunea, aldizkako topaketen bidez eta laguntzaile batekin euskarazko etorria hobetzeko.

Hedabideak

1992tik 2009ra GEU (Geu Gasteiz) izeneko aldizkaria kaleratu zuen elkarteak. 2012an Hirinet izeneko proiektu multimedia jarri zuen abian, Internet bidezko komunikazioari garrantzi berezia emanez. 2014ko amaieran, berriz, Alea aldizkari astekaria argitaratzen hasi zen.

Oihaneder

Elkarteak, Gasteizko Kafe Antzokia Plataformako beste talde batzuekin eta Udalarekin batera Oihaneder Euskararen Etxea 2014ko urrian zabaldu zuten, Montehermoso edo Oihaneder jauregian hain zuzen ere. Bertan, kultur ekimenak antolatzea eta euskaldun komunitatearen bilgune izatea dituzte helburu nagusi.

Ikus, gainera

• Topagunea
• Arabako euskara

Kanpo estekak

• alea.eus aldizkariaren webgune ofiziala
• geuelkartea.euswebgune ofiziala

• Datuak: Q12258051