Feminismo komunitario
Feminismo komunitarioa komunitatearen eraikuntzan oinarritutako feminismoaren korrontea da. Boliviako indigenek egindako aldaketa prozesutik sortu zen. Julieta Paredes sortzailetzat hartzen da eta abiapuntua Mujeres Creando Comunidad elkartea. Mugimendu feminista honek gizarte-arazoen zergatia aztertzen du eta patriarkatua zapalkuntza eragiten duen sistema gisa identifikatzen du, hala nola indarkeria eta existitzen diren dominazio-moldeak.[1][2]
Helburua aldatu
Feminismo komunitarioaren arabera, feminismoa patriarkatuaren aurrean matxinatu den historiako edozein emakumek egiten du. Feminismo tradizionalaren alternatiba izan nahi du, hau da, feminismo kontrahegemoniko deritzonaren zati bat, zeinak zalantzan jartzen baitu subjektu feministaren irudikapena emakume zuriaren, klase ertainaren eta heterosexualaren estereotipoen teoria eta praxi feministen barruan. Gainera, birkonfiguratu egin nahi du, kulturei integratutako pentsamendu- eta ekintza-tresna bihurtzeko, non komunitatearen eta komunitate hori dagoen herrialdearen historia onartzen baita, komunitate horien ikusezintasuna patriarkatuaren menderakuntzatik eta konkistatik datorrela, eskubide kolektiboak ikusarazten ditu, emakumeen eskubideak batuz eta berdintasuna eta ekitatea bilatzearen onarpena aitortuz.[3]
Abya Yala-ko emakumeek bizi duten errealitatetik abiatzen den feminismoa eraikitzea da helburua. Ildo horretatik, feminismo komunitarioa desmitifikatu nahian dabil, chacha-warmi (gizon-emakumearen) kategorizazio horretan, nahiz eta baliagarria izan mendebaldeko feminismoarentzat (tradizionalarentzat), ez du aukerarik ematen emakume boliviarren errealitatea aztertzeko; izan ere, emakume horiek bizitzeko moduak eraikitzen dituzte, komunitate-ikuskera sendoekin. Feminismo komunitarioak, orduan, feminismo tradizionalaren barruan ez dauden emakumeak ordezkatuko lituzke, emakume nekazariak, indigenak eta, gainera, ingurune kulturaletan eta eleaniztunetan bizi direnak.[4]
Feminismo autonomo independentearen gabeziei aurre egingo dien erantzun gisa aurkezten da, komunitateekiko elkarrekintzan oinarritzen da, zeinak bere ideiak proposatzen eta kudeatzen dituen abangoardiako elite teknokratikoari aurre eginez.
Arbasoengandik Andeetako bizimodu tradizionalaren jatorrizko zentzua berreskuratzea proposatzen du, zeinak patriarkatu kolonial eta indigenek desitxuratu duten. Adibide gisa: bikote heterosexual osagarriaren (chacha/warmi-gizon/emakume) kontzeptuak ordezkatu duela bikote osagarriaren jatorrizko nozioa, aimararen mundu-ikuskeraren oinarrizko printzipioa, gizarte, politika eta sinbolikoa modu eraginkorrean zabaltzea ahalbidetzen zuena.
Erreferentziak aldatu
- ↑ Sánchez, Rocío. «Feminismo comunitario: Una respuesta al individualismo» www.jornada.com.mx.
- ↑ Paredes, Julieta. (26 de junio de 2017). «El feminismocomunitario: la creación de un pensamiento propio» Corpus. Archivos virtuales de la alteridad americana (Vol. 7, No 1) doi:. ISSN 1853-8037..
- ↑ Francesca Gargallo. Feminismo latinoamericano: una lectura histórica de los aportes a la liberación de las mujeres (2012). .
- ↑ «Sembrando esperanzas en comunidad. Feminismo Comunitario» Asamblea Feminista Área Rural de La Paz (Asociación Centro de Defensa de la Cultura) Abril de 2009.
Bibliografia aldatu
- Falconi, Diego. (2012). «Entrevista a Julieta Paredes» Lectora : revista de dones i textualitat (18): 179-195. ISSN 2013-9470..
- Medina Martín, Rocío. (2014). «Mujeres Saharauis, Colonialidad del Género y Nacionalismos: un acercamiento a partir de los feminismos decoloniales» Relaciones Internacionales (27): 13-34..
- Paredes, Julieta; Guzmán, Adriana (2014). El tejido de la Rebeldía ¿Qué es el feminismo comunitario?. Comunidad Mujeres Creando Comunidad. Archivado desde el original el 28 de octubre de 2017.
Ikus, gainera aldatu
Kanpo estekak aldatu
Datuak: Q65037007
