Eusko Abertzale Laguntza

Artikulu hau Frankismoak zigortutako eusko abertzaleei laguntzeko erakunde klandestinoari buruzkoa da; beste esanahietarako, ikus «Eusko Abertzale Laguntza (argipena)».

Eusko Abertzale Laguntza 1967ko udaberrian sortutako erakunde klandestinoa zen, diktadura frankistaren eraginez preso, erbesteratuta edota bestelako zigorren pean zeuden eusko abertzaleei laguntzea helburu zuena. Garai hartan, Euzko Abertzale Laguntza grafiarekin ere idazten zen. Emakumeak izan ziren erakundeko protagonista.

Hasieran, erakunde klandestinoetako (EAJ, ELA, Eusko Abertzale Ekintza, Jagi-Jagi eta ETA) kideak sartu ziren, erakunde horien izenean ez, baizik eta nor bere izenean. Hala ere, gerora EAJ Eusko Abertzale Laguntzatik atera zen, «dirua bildu eta banatzeko bere bideak» bazituela eta.

Eusko Abertzale Laguntzak Burgosko Prozesuaren garaian egin zuen ahaleginik handiena. Izan ere, prozesuak epaituei eragin zizkien gastu guztien % 90 ere ordaindu zuen.

Erakundeko kideetako bat izan zen Trifon Etxebarria Etarte.[1]

ErreferentziakAldatu

Kanpo estekakAldatu