Emma Ruth Rundle

abeslari estatubatuarra

Emma Ruth Rundle (1983ko urriaren 10a) abeslari, konpositore, gitarra-jole eta ikusizko artista da, eta Louisvillen (Kentucky) bizi da. The Nocturnes taldean ibili zen, eta bakarka hiru lan ditu argitaratuak. Gaur egun, Red Sparowes eta Marriages taldeetan dabil.[1]

Emma Ruth Rundle

Bizitza
JaiotzaLos Angeles1983ko urriaren 10a (40 urte)
Herrialdea Ameriketako Estatu Batuak
Jarduerak
Jarduerakabeslaria, egile abeslaria eta musikagilea
Genero artistikoaambient music (en) Itzuli
Ahots motamezzosopranoa
Musika instrumentuagitarra
ahotsa

emmaruthrundle.com
Facebook: emmaruthrundle Twitter: EmmaRuthRundle Instagram: emmaruthrundle Bandcamp: emmaruthrundle Spotify: 34gLicNdz493863yZTanvC iTunes: 360994442 Last fm: Emma+Ruth+Rundle Musicbrainz: 7ba593b9-79d4-4860-92c8-ade2a1ef4551 Songkick: 4668858 Discogs: 1782496 Allmusic: mn0002423072 Deezer: 5799810 Edit the value on Wikidata

Ibilbidea aldatu

Rundle Los Angelesen (Kalifornia) jaio eta hazi zen, ahizparekin batera, eta folk musika asko entzuten zen haien etxean. Kate Bush eta David Lynch aipatu izan ditu beregan eragina izan duten pertsonen artean.[2]

The Nocturnes bere lehen taldearekin, Wellington EPa (2008) eta bi disko argitaratu ditu: A Year of Spring (2009) eta Aokigahara (2011). Gero, Rundle Red Sparowes taldean hasi zen, eta haien hirugarren diskoan jo zuen, The Fear Is Excruciating, But Therein Lies the Answer izenekoan. Sargent House diskoetxeak kaleratu zuen, 2010eko apirilaren 6an.

2011n, Electric Guitar: One izeneko autoekoizpena eman zuen argitara.[3] 2014an, Errant Child Recordingsek berrargitaratu zuen.

2012an, Marriages hirukotea sortu zuen, eta bi lan dituzte kaleratuta: Kitsune EPa (2012) eta Salome (2015).

2013ko urtarrilaren 7an, Somnambulant diskoa kaleratu zuen, Headless Prince of Zolpidem izenez.[4]

Rundleren estudioko lehen bakarkako lan ofiziala, Some Heavy Ocean, 2014ko maiatzaren 20an argitaratu zen; Sargent House diskoetxeak argitaratu zuen.[5] Chris Commonek koproduzitu zuen, eta Sargent House estudioan grabatu zuten. Rundlek artista-egonaldi bat egin zuen estudioan grabazioa egin bitartean, eta han egon zen bizitzen.[2] Lana argitara atera zuenean, bira bat egin zuen King Buzzorekin batera.

Rundlek adenomiosia dauka, eta, neurri batean, horrek inspiratu zuen Marked for Death izeneko bere bigarren lanean, zeina Sonny DiPerrik ekoitzi zuen.[6] 2016ko urrian kaleratu zuen lana, Sargent Housen zigiluaren pean.[7]

2017ko urtarrilean, split disko bat iragarri zuen Jaye Jaylerekin, The Time Between Us izenekoa, eta The Distance izeneko abestia streaming plataformetan jarri zuten.[8][9] 2014ko otsailaren 24an kaleratu zuen EPa Sargent House etxeak.

Rundleren hirugarren estudioko lana, On Dark Horses, 2018ko irailaren 14an argitaratu zen.[10] Jaye Jayle taldeko Evan Patterson eta Todd Cook kideek kolaboratu zuten lanean, bai eta Wovenhand taldeko Dylan Nadonek ere.[11] Halaber, 2018an, Rundlek koruak egin zituen Thrices rock talde estatubatuarraren Just breath abestian, zeina Palms lanean argitaratu zen 2018an.

2019ko abuztuan, Roadburn Festival jaialdiak iragarri zuen Rundle 2020ko edizioko bi kuradoreetako bat izango zela.[12]

2020ko urrian, Thourekin kolaborazio-lan bat argitaratu zuen, May Our Chambers Be Full izenekoa.[13]

Diskografia aldatu

The Nocturnesekin aldatu

  • Wellington EPa (2008)
  • A Year of Spring (2009)
  • Aokigahara (2011, The Errant Child)

Red Sparowesekin aldatu

  • The Fear Is Excruciating, but Therein Lies the Answer (2010, Sargent House)

Marriagesekin aldatu

  • Kitsune EP (2012, Sargent House)
  • Salome (2015, Sargent House)

Bakarka aldatu

  • Electric Guitar: One (2011, independiente)
  • Some Heavy Ocean (2014, Sargent House)
  • Marked for Death (2016, Sargent House)
  • The Time Between Us EPa, Jaye Jaylerekin egindako split diskoa,(2017, Sargent House)
  • On Dark Horses (2018, Sargent House)

Kolaborazioak aldatu

  • Thou - May Our Chambers Be Full (2020, Sacred Bones Records)

The Headless Prince of Zolpidemen izenean aldatu

  • Somnambulant (2013)

Erreferentziak aldatu

  1. (Ingelesez) «Emma Ruth Rundle | Biography & History» AllMusic (Noiz kontsultatua: 2020-11-29).
  2. a b (Ingelesez) «Emma Ruth Rundle Cheats on Marriages» www.vice.com (Noiz kontsultatua: 2020-11-29).
  3. «Interview: Emma Ruth Rundle | Echoes And Dust» web.archive.org 2019-03-05 (Noiz kontsultatua: 2020-11-29).
  4. Somnambulant by The Headless Prince of Zolpidem. (Noiz kontsultatua: 2020-11-29).
  5. (Ingelesez) «Emma Ruth Rundle of Red Sparowes goes folky on “Shadows Of My Name”» News (Noiz kontsultatua: 2020-11-29).
  6. (Ingelesez) «Under Her Skin: An Interview With Emma Ruth Rundle» MUSIC&RIOTS Magazine 2016-10-15 (Noiz kontsultatua: 2020-11-29).
  7. (Gaztelaniaz) «Entretenimiento» Independent Español (Noiz kontsultatua: 2020-11-29).
  8. (Ingelesez) January 26, John HillPublished:; 2017. «Emma Ruth Rundle's Music Will Go 'The Distance'» CLRVYNT (Noiz kontsultatua: 2020-11-30).
  9. «Emma Ruth Rundle: Forever, As The Setting Son / The Distance» Destroy//Exist (Noiz kontsultatua: 2020-11-30).
  10. «On Dark Horses, by Emma Ruth Rundle» Emma Ruth Rundle (Noiz kontsultatua: 2020-11-29).
  11. (Ingelesez) «Emma Ruth Rundle - "Fever Dreams"» Stereogum 2018-06-26 (Noiz kontsultatua: 2020-11-29).
  12. roadburn.com (Noiz kontsultatua: 2020-11-29).
  13. «Album Review: Emma Ruth Rundle & Thou – May Our Chambers Be Full» Kerrang! (Noiz kontsultatua: 2020-11-29).

Kanpo estekak aldatu