Eivissako Dama

Eivissako Dama, K. a. III. mendean datatua dagoen 47 zentimetroko altuera duen buztinezko irudi bat da. Puig des Molinseko nekropolian aurkitu zen, Eivissa uhartean, Mediterraneo itsasoan. Molde baten bidez egina da eta, atzealdean, barrunbe bat du, ziur aski esekia izateko. Kartagoar jainkosa baten irudikapena da, ziurrenik Tanitena, Astarte feniziar jainkosarekin lotua. Bere jantzi eta bitxietan, apaindura oso aberatsa du.

Eivissako Dama
Jatorria
Sortzailea(k)	ezezaguna
Sorrera-urtea	K.a. III. mendea
Izenburua	Lady of Ibiza, Dama de Ibiza eta Dama d'Eivissa
Aurkikuntza lekua	Eivissa uhartea
Ezaugarriak
Materiala(k)	harria
Dimentsioak	45,5 () × 16,5 () cm
Kokapena
Bilduma	Espainiako Arkeologia Museo Nazionala
Inbentarioa	1923/60/541

Puig des Molinseko nekropolian aurkitutako irudi gehienak jainkosen irudikapenak dira, ia beti greziar artearenak. Izan ere, uste denez, mendeetan zehar, Magna Graeciatik (Antzinaroan Italia hegoaldeko greziar koloniei eman zitzaien izena) ekarpen etniko handia izan zen.

Irudia Espainiako Arkeologia Museo Nazionalean erakusten da, Madrilen.

Beste dama batzuk

• Elxeko Dama
• Galerako Dama
• Bazako Dama
• Dama Eskaintzaile Handia Cerro de los Santosekoa.

Ikus, gainera

• Eivissako kartagoar nekropoliak

Kanpo estekak

• Datuak: Q2707892
• Multimedia: Dama d'Eivissa / Q2707892