Doverko itsaslabar zuriak
Doverko itsaslabar zuriak (ingelesez: white cliffs of Dover) Ingalaterrako hego-ekialdeko itsasertzean dauden labar batzuk dira; zehazki, Doverko itsasartean, Frantziarekin aurrez aurre.
| Doverko itsaslabar zuriak | |
|---|---|
 | |
| Mota | amildegi |
| Geografia | |
 | |
| Koordenatuak | 51°08′05″N 1°21′26″E / 51.13472°N 1.35711°E |
| Estatu burujabe |  Erresuma Batua |
| Herrialdea |  Ingalaterra |
| Ingalaterrako eskualdea | Hego-ekialdeko Ingalaterra |
| Ingalaterrako konderri zeremoniala | Kent |
| Konderri | Kent |
| Barruti | Dover |
| Ur-gorputza | Calaisko itsasartea |
Labarrek 106 metrorainoko altuera hartzen dute, eta daukaten itxura deigarria beren osaerari zor diote: klera (kaltzio karbonato hutsa), zeina nabarmenago gelditzen baita silex beltzezko zerrenda batzuen ondorioz.
Itsaslabarrak Dover hiritik (Kent konderrian) ekialderantz eta mendebalderantz hedatzen dira. Dover antzinatiko hiri portudun bat da, gaur egun oraindik ere bere garrantziari eusten diona.
Itsaslabar hauek balio sinboliko handia daukate Erresuma Batuarentzat, Europa kontinental aldera ematen baitute, non eta Mantxako kanalaren gunerik estuenean, hain zuzen ere historikoki inbasio-mehatxuen jatorria izan den alde horretan. Horrenbestez, itsaslabarrok nolabaiteko babesgarri sinbolikotzat hartuak izan dira. Hegazkin-bidaien garaia baino lehenagokoetan Mantxako kanala Dovertik zeharkatzea zenez kontinenterako ibilbide nagusia, itsaslabarrek osatzen duten lerro zuria zen, halaber, bidaiariek zeukaten Erresuma Batuaren lehenbiziko (edo azkeneko) ikuspegia.
Shakespeare Cliff (Shakespeare itsaslabarra) da Europa kontinentaletik hurbilen dagoen Ingalaterrako puntua. Egun argi batean, itsaslabarrok erraz ikusten dira Frantziako kostaldetik.
Kanpo estekak
aldatu
Datuak: Q754785
Multimedia: White Cliffs of Dover / Q754785
