Cortinarius fraudulosus
Cortinarius fraudulosus Cortinariaceae familiako onddo espezie bat da.[1]
Cortinarius fraudulosus | |
---|---|
Sailkapen zientifikoa | |
Erreinua | Fungi |
Klasea | Agaricomycetes |
Ordena | Agaricales |
Familia | Cortinariaceae |
Generoa | Cortinarius |
Espeziea | Cortinarius fraudulosus Britzelm., 1885 |
Deskribapena
aldatuKapela: 5 eta 8 cm bitarteko diametrokoa, lau-ganbila, titiduna ez oso likatsua, edo baita belusatua ere ale gazteetan; gutxi fibriloso-erradiatua; buztin kolorekoa, ilunagoa erdigunean, pixka bat Hebeloma mesophaeum bezala; ertza biribildua beherantz, flexuoso edo irregular samarra.
Orriak: Ez oso estu, nahiko zabalak, sabeldunak, lotuak, hasieran zuri-buztin kolorekoak, gero kafesne kolorekoak edo arrexkak.
Hanka: 6 eta 8 cm bitarteko garaierakoa eta 0,6 eta 1,5 cm bitarteko diametrokoa, klabiforme samarra edo fusiformea, azpiradikantea, leuna goialdean, pixka bat iletsua behealdean, eraztun zurien formako errezelaren hondakinekin, gortina ugari eta iheskorrarekin.
Haragia: Zuria, autoreek hainbat eratara definitutako usainarekin (gozoa, frutarena, gero pixka bat lurrarena). Ohiko erreaktibo kimikoekin ez du erreakzionatzen; nitrato de platarekin gris-arrosa-more kolorea hartzen du.[2]
Etimologia: Cortinarius hitza gortinatik dator, gortina eta guzti, errezelaren hondakin bereizgarriak direla eta. Fraudulosus epitetoa latinetik dator, engainatzen duena esan nahi duen, “fraudulosus” hitzetik. Zehatz identifikatzea zaila delako.
Jangarritasuna
aldatuEz da jangarria.
Nahasketa arriskua
aldatuCortinarius turmalis eta Cortinarius rufoalbus delakoek izan dezakete antza.
Sasoia eta lekua
aldatuHostozabalen basoetan, baina baita koniferoetan ere.
Banaketa eremua
aldatuEuskal Herria, Norvegia, Suedia (batez Gotland uhartean ere), Finlandia, Frantzia, Alemania, Estonia, Alpeak, Erresuma Batua.[3]
Erreferentziak
aldatu- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Cetto, Bruno. (1987). Guia de los hongos de Europa. Ediciones Omega, S. A. Barcelona, 135 or. ISBN 84-282-0541-X (T. 3). ISBN: 84-282-0538-8 (O.C.)..
- ↑ Cortinarius fraudulosus: GBIF—the Global Biodiversity Information Facility.