Chichana Patiño
Elisa Patiño Meléndez, Chichana ezizenez ezaguna ( Pontevedra, 1890 - Pontevedra, 1919ko apirilaren 12a ) galiziar hegazkinlaria izan zen.[1] Hegazkin bat gidatu zuen lehen emakume galiziarra izan zen eta agian Europa osokoa.[2]
| Chichana Patiño | |
|---|---|
 | |
| Bizitza | |
| Jaiotzako izen-deiturak | Elisa Patiño Meléndez |
| Jaiotza | Pontevedra, 1890 |
| Herrialdea |  Espainia |
| Heriotza | Pontevedra, 1919ko apirilaren 12a (28/29 urte) |
| Heriotza modua | berezko heriotza: Espainiako gripea |
| Hezkuntza | |
| Hizkuntzak | gaztelania galiziera |
| Jarduerak | |
| Jarduerak | hegazkinlaria |
Biografia eta ibilbidea
aldatuJatorri nobleko familia aberats batean jaio zen, Patiñoko Markeserrian.[3] Patiñoko dukeen alaba zen, Albino Patiño Amado eta Rosa Meléndez. Sanxenxon zegoen La Alamedako etxearen eta Vilalongako Revel pazoaren artean bizi ziren.[4]
Emakume kultua zen: hezkuntza bikaina jaso zuen, musika eta arte ikasketak barne zituena. Margotzeko, kantatzeko eta musikarako talentua zuen, horregatik, azkenean baztertu egin zuen arren, musika konpainia batekin bira batean parte hartzea proposatu zioten.[2]
Bizikletaz bakarrik bidaiatzen zuen, garaiko emakumeentzako ezohikoa zena (bai bakarrik ibiltzea, bai bizikletan ibiltzea).[2]
Ongintza gertaerekin konprometituta zegoen, esate baterako, ViIlagarcía de Arosa portuan lehorreratu ziren I. Mundu Gerrako zaurituentzako dohaintzak biltzeko kanpaina.[2]
José Piñeiro González adiskidearekin hasi zen hegazkinetan eta haren Bleriot hegazkinean egindako hegaldietan lagundu zion (bere lorpenen maitagarria zela zioen Piñeirok). 1913ko urriaren 12an egin zuen hegaz bakarrik lehen aldiz, Baltar hondartzan, Sanxenxon, eta abiazioaren historiaren parte bihurtu zen.[1][2]
Patiñok ez zuen pilotu titulua lortu, nahiz eta beharrezkoak ziren 50 ordu baino gehiago hegan egin.[2]
1916ko abuztuan Enrique Alcaraz Díezekin ezkondu zen Puente Sampaion (Bartzelonan Ingalaterrako kontsul izan zena), eta 1917ko ekainean alaba izan zuen Lucía Alcaraz Patiño, Patiño dukerria oinordetzan jaso zuena.[2][3]
Patiño hainbat hilabetetan gaixo egon ondoren hil zen, 1918ko gripeaz kutsatuta.[2]
Erreferentziak
aldatu- ↑ a b García, Victoria. (2018-09-26). «Elisa Patiño, Chichana, a primeira aviadora galega» GCiencia xornalismo + divulgación.
- ↑ a b c d e f g h Fernández Amil, Iván. (2021-01-03). «Chichana Patiño, la gallega que fue la primera aviadora de Europa» Quincemil.
- ↑ a b Bará, Milagros. (2016-11-05). «El Marquesado de Patiño, un ducado con historia» Diario de Pontevedra.
- ↑ Bará, Milagros. (2016-05-04). «Chichana Patiño, el hada de Piñeiro» Diario de Pontevedra.
Kanpo estekak
aldatu- Elisa Patiño Meléndezen biografia Do gris ao violeta orrian.
- Pontevedra Viva Irrati programa
Datuak: Q28950271
