Charlotte Amalie

Charlotte Amalie; Charlotte Amalie
	Ameriketako Estatu Batuetako hiria
	Irudi gehiago
Administrazioa
Ameriketako Estatu Batuetako Lurraldeak	Birjina Uharte estatubatuarrak
District of the United States Virgin Islands	Saint Thomas and Saint John District
Izen ofiziala	Charlotte Amalie
Jatorrizko izena	Charlotte Amalie
Posta kodea	00801–00804, 801 eta 803
FIPS kodea	78-16300
Geografia
Koordenatuak	18°21′N 64°57′W / 18.35°N 64.95°W
Azalera	3,14 km²
Altuera	0 m
Demografia
Biztanleria	14.477 (2020); −4.004 (2010)
Dentsitatea	4.611 bizt/km²
Informazio gehigarria
Sorrera	1666
Telefono aurrizkia	340
Ordu eremua	UTC−04:00
Hiri senidetuak	Montescudaio
	st-thomas.com

Charlotte Amalie Ameriketako Estatu Batuen mende dauden Birjina Uharte Estatubatuarretako hiriburua da; Saint Thomas uhartean dago.

Datu nagusiak

2004an 19000 biztanle zituela kalkulatzen zen; 2000ko AEBetako erroldak 18914 kontatu zituen^[1].

Hiria Saint Thomas uhartearen hegoaldearen erdialdean dago; izen bereko badia^[2] Hassel uharteak bereizten du itsaso zabaletik. Zenbait muinok (Careen Hill hego-mendebaldean, Flag Hill hego-ekialdean...) inguratzen dute.

Izena daniarrek^[3] jarri zioten Kristian V.a erregearen emaztea zen Karlota Amalia Hessen-Kasselekoa (1650-1714) erreginaren omenez.

Charlotte Amalieren ur sakoneko portua famatua da. Garai batean itsaslapurren babeslekua, egun gurutzontzi askotako itsas-bidaietan tarteko geltokia izan ohi da; 2004an modu horretan 1.5 milioi bidaiarik bisitatu zuten hiria.

Eraikin historikoak

Aipatzeko moduko eraikin historiko asko ditu hiriak, tartean^[4]:

Amerikako bigarren sinagoga zaharrentzat jotzen dena^[5]; 1833koa da^[6].
Done Petri eta Pauloren (Saint Peter and Paul's) katedrala 1844koa da.
Eliz metodista bat 1700ekoa da gutxi gorabehera.
Merkatu plaza (Market Square) 1800ekoa dela kalkulatzen da.

Garraiobideak

30 Autobidea edo Veterans Drive delakoak hiria zeharkatzen du.
Charlotte Amalien Birjina Uharte Estatubatuarretako bi aireportuetatik bat dago, Cyril E. King aireportua; AEBetako ekialdeko kostalderako bidaiak proposatzen ditu batez ere.