Catalina Aguilar Mastretta
Catalina Aguilar Mastretta (Mexiko Hiria, Mexiko, 1984) mexikar gidoilaria, idazlea eta zinemagilea da. Las horas contigo (2014), Todos queremos a alguien (2017) eta Cindy la regia (2020) filmak zuzendu zituen. Todos los días son nuestros (2016) nobelaren egilea da.
| Catalina Aguilar Mastretta | |
|---|---|
| Bizitza | |
| Jaiotza | Mexiko Hiria, 1984 (39/40 urte) |
| Herrialdea |  Mexiko |
| Jarduerak | |
| Jarduerak | zinemagilea, gidoilaria eta idazlea |
| Lan nabarmenak | ikusi
|
Biografia aldatu
Catalina Aguilar Mastretta Angeles Mastretta idazlearen eta Héctor Aguilar Camín kazetariaren alaba da. Aguilarrek Komunikazio Lizentziatura egin zuen Unibertsitate Iberoamerikarrean; ondoren, New Yorkeko Unibertsitatean zinema eta gidoilaritza ikasi zituen American Film Institute-n.[1]
Ibilbidea aldatu
Aguilar Mastrettak 2008an egin zuen Tabacotla, bere lehen film laburra. 2010ean, Gritos de muerte y libertad telesailerako gidoilari gisa parte hartu zuen.[2]
2014. urtean, Echo Park filmaren gidoia idatzi zuen, Amanda Marsalisek zuzendutako drama erromantikoa. Filmak —Los Angelesen, Kalifornian— bikote-gatazkak aztertzen ditu zoritxarreko harreman sentimentaletan.[3]
Zinemako zuzendari gisa, 2014. urtean, Las horas contigo filmarekin egin zuen debuta, Opera prima[4] onenaren Ariel sarirako izendatua.
2016. urtean, Aguilar Mastrettak lehen eleberria argitaratu zuen, Todos los días son nuestros, «maitasun garaikideko historia» bati buruzkoa.[5]
Bigarren filma, Todos queremos a alguien, komedia erromantiko elebiduna da, Karla Souza eta José María Yazpik protagonista dituena. 2017an kaleratu zuten, eta 100 milioi peso bildu zituen karteldegian, eta bi milioi lagun zinema-aretoetan. Urteko bosgarren film mexikar arrakastatsuena izan zen.[6]
2018an, Katalinak Diablo Guardián telesaileko gidoilari gisa parte hartu zuen, Xavier Velasco idazle mexikarraren izen bereko nobelaren egokitzapenean.[7]
Hirugarren filma, Cindy la regia, Santiago Limón zinemagilearekin batera zuzendu zuen. Ricardo Cucamonga karikaturista mexikarraren lan komikoetan oinarritutako filma 2020ko urtarrilean estreinatu zen zinema-aretoetan. Industria Zinematografikoaren Ganbera Nazionalak 2020ko filmik arrakastatsuena izendatu zuen Cindy: 106 milioi peso bildu zituen eta 1.8 milioi lagun bertaratu ziren.[8]
Filmografia aldatu
| Urtea | Filma | Rola | Oharrak |
|---|---|---|---|
| 2020 | Cindy la Regia | Zuzendaritza | Santiago Limónekin zuzendarikide |
| 2017 | Todos queremos algo | Zuzendaritza eta gidoilaritza | |
| 2014 | Las horas contigo | Zuzendaritza eta gidoilaritza | |
| Echo Park | Gidoilaritza | ||
| 2008 | Tabacotla | Zuzendaritza eta gidoilaritza | Film laburra |
| Urtea | Seriea | Rola | Oharrak |
|---|---|---|---|
| 2023 | Cindy la Regia | Ekoizpen exekutiboa | |
| 2022 | Welcome to Flatch | Zuzendaritza | 2 atal |
| 2021 | Genera+ion | Zuzendaritza | 2 atal |
| Ginny & Georgia | Zuzendaritza | 2 atal | |
| 2020 | Historia de un crimen: la búsqueda | Zuzendaritza | 2 atal |
| 2019 | Almost Family | Zuzendaritza | Atal 1 |
| Superstore | Zuzendaritza | Atal 1 | |
| Vida | Zuzendaritza | 3 atal | |
| 2018 | Diablo Guardián | Sorkuntza | 10 atal |
Erreferentziak aldatu
- ↑ «Catalina Aguilar Mastretta» Enciclopedia de la literatura en México.
- ↑ Marilyn Mijares. (4 de octubre de 2020). «Catalina Aguilar Mastretta» National Association of Latino Independent Producers.
- ↑ Tsai, Martin. (14 de abril de 2020). Review: In ‘Echo Park,’ a romance plays out with an L.A. backdrop. .
- ↑ Festival Internacional de Cine de Morelia. (13-04-2015). «Lista completa de nominaciones a los premios Ariel 2015» Festival Internacional de Cine de Morelia.
- ↑ Santiago, Jesús Alejo. (8 de octubre de 2016). Catalina Aguilar Mastretta publica su primera novela. .
- ↑ Cámara Nacional de la Industria Cinematográfica. (2017). «Resultados definitivos 2017. 1 de enero al 31 de diciembre.» Canacine.
- ↑ Mijares, Mariana. (16 de mayo de 2018). Diablo Guardián: del papel a la pantalla bien hecha. .
- ↑ Esta fue la película mexicana más taquillera del 2020. 17 de diciembre de 2020.
Kanpo estekak aldatu
Datuak: Q104525591
