Canelobreko leizeak
Canelobreko leizeak Espainiako Alacanteko probintziako Busot udalerrian daude, probintziako hiriburu den Alacantetik 23 kilometrora, Elxetik 50era eta 700 metroko altueran, Cabezón de Oro izeneko tontorraren iparraldeko magalean. Leizearen barnean Espainiako gangarik altuenetako bat dago, 70 metro ingurukoa, katedral baten antzerakoa. Berau bisitatzean konkrezio ezberdinek hartu dituzten kapritxozko formak ikus daitezke, marmoka, organo, argimutil eta beste hainbat forma.
| Canelobreko leizeak | |
|---|---|
| Cova dels Canelobres | |
 | |
| Kokapena | |
| Estatu burujabe |  Espainia |
| Autonomia |  Valentziako Erkidegoa |
| Probintzia | Alacanteko probintzia |
| Valentziar Herrialdeko eskualdeak | Alacantí |
| Udalerria | Busot |
| Koordenatuak | 38°30′37″N 0°24′41″W |
| Ezaugarriak | |
| Garaiera | 700 m. |
| Altuera | 70 m |
Areto bisitagarria, besteak espeleologiarako erabiltzen baitira, gerra zibilean irekitako 45 metroko tunel baten bidez iristen den 80.000 metro kubiko baino gehiagoko gune bat da. Barnean, lehen inpresioa, gangaren altuera da, non areto guztiaren heren batean gauden. Batzuetan, bere ingurugiro eta akustika baldintzak musika protagonista bezala duten ikuskizunetarako erabiltzen dira. Bisita gidatua "Familia Sakratua" bezala ezagutzen den multzo baterantz jaisten da, non 25 metro baino gehiagoko zutabea nabarmentzen den. Beranduago, aretoaren erdian "El canelobre" (argimutila valentzieraz) deituriko estalagmita ikus daiteke, 100.000 urte baino gehiago dituena. Gainera, aretoaren ia albo guztia estaltzen duen laba isurketa handi bat ere ikus daiteke. Barreneraino jaistean nabari daiteke gangaren altuera guztia. Espeleotema adibide ugari ikus daiteke leizean: estalaktitak eta estalagmitak, zutabeak, marmokak, laba isurketak, microgoursak eta baita eszentrikoak ere.
Kanpo estekak
aldatu- (Katalanez)(Gaztelaniaz)www.cuevasdecanelobre.com
- (Katalanez)(Gaztelaniaz)www.busot.es
Datuak: Q2480874
Multimedia: Cova dels Canelobres / Q2480874
