Ireki menu nagusia

César Augusto Gaviria Trujillo (Pereira, Risaralda, 1947ko martxoaren 31) kolonbiar ekonomista eta politikaria da. 1990-1994 bitartean Kolonbiako Errepublikako presidentea izan zen.

César Gaviria
César Gaviria, World Economic Forum on Latin America 2009.jpg
Amerikako Estatuen Erakundeko idazkari nagusi

1994 - 2004
João Clemente Baena Soares Itzuli - Miguel Ángel Rodríguez Echeverría
28. Kolonbiako presidentea

1990-08-07 - 1994-08-07
Virgilio Barco Vargas Itzuli - Ernesto Samper
Kolonbiako Ordezkarien Ganbarako kidea


Barrutia: Risaralda Itzuli
ambassador of Colombia Itzuli

Bizitza
Jaiotza Pereira1947ko martxoaren  31 (72 urte)
Herrialdea  Kolonbia
Familia
Ezkontidea(k) Ana Milena Muñoz Gómez Itzuli
Seme-alabak
Anai-arrebak
Hezkuntza
Heziketa University of the Andes Itzuli
Hizkuntzak gaztelania
Jarduerak
Jarduerak diplomazialaria, politikaria eta ekonomialaria
Jasotako sariak
Kidetza Erromako Kluba
Sinesmenak eta ideologia
Alderdi politikoa Kolonbiako Alderdi Liberala

BiografiaAldatu

Ekonomia eta lege-ikasketak egin zituen Andeetako Unibertsitatean. 1978an, Alderdi Liberaleko kide gisa, Julio César Turbayren gobernuaren Plangintza eta Garapenerako ministrorde izendatu zuten. Aurrerago, Virgilio Barcoren gobernuan, Finantza-ministerioaren ardura zuela, nekazaritzaren erreforma diseinatu zuen, eta zerga-sistema modernizatu. 1987an, Barne-ministro gisa, gerrillarekin elkarrizketatu zen eta droga-trafikoaren aurka ekin zuen.

1989an, Luis Carlos Galán lehendakarigaiaren kanpainan parte hartu zuen, baina urte horretan bertan droga-trafikatzaileek hil egin zuten Galán. Gaviriak alderdiaren buruzagitza eskuratu zuen, eta lehendakaritzarako hautagai aurkeztu zuen bere burua 1990eko hauteskundeetan, elkarrizketaren aldeko programa erreformista batekin. Lehendakari hautatu zuten gehiengo osoz, herrira bakea ekartzeko itxaropenarekin. Bere gobernuan alderdi politiko desberdinetako kideak sartu zituen eta, denen harridurarako, baita M-19 gerrilla-taldeko kide ohi bat ere, Antonio Navarro Wolff. Haren agintaldian errotik aldatu zen droga-trafikoaren aurkako borroka, beren burua justiziaren eskuetan uzten zuten droga-trafikatzaileei Estatu Batuetara estraditatu gabe Kolonbian bertan epaitzeko eskubidea ematen zien dekretu bat onartu baitzuen. Halaber, talde paramilitarrak eta droga-trafikoan aritzen zirenak desegiteko informazioa ematen zutenei kartzela-zigorra arintzea agindu zuen.

1994n, Amerikako Estatuen Erakundeko (AEE) idazkari nagusi hautatu zuten. 1996ko apirilean, talde ezezagun batek bere anaia Juan Carlos bahitu zuen, eta lehendakari gisa irabazitako diruen berri eman zezan eskatu zuen.

2006an, FARCek bere arreba (Liliana Gaviria Trujillo) bahitu eta hil zuten. 2005-2009 urteetan, Alderdi Liberaleko lehendakaria izan zen.

ErreferentziakAldatu

Wikimedia Commonsen badira fitxategi gehiago, gai hau dutenak: César Gaviria