Bolatta Silis-Høegh
Bolatta Tatjana Paarnaq Silis-Høegh (Qaqortoq, 1981eko apirilaren 17a) groenlandiar artista eta haur literaturako idazlea da, gaur egun Danimarkan bizi dena.
Bolatta Silis-Høegh | |
---|---|
![]() (2018) | |
Bizitza | |
Jaiotza | Qaqortoq (en) ![]() |
Herrialdea | ![]() |
Familia | |
Aita | Ivars Silis |
Ama | Aka Hoegh |
Ezkontidea(k) | Emile Hertling Peronard (en) ![]() |
Anai-arrebak | ikusi
|
Hezkuntza | |
Heziketa | Aarhus Art Academy (en) ![]() |
Jarduerak | |
Jarduerak | ilustratzailea eta margolaria |
Bizitza
aldatu1981ean jaio zen Qaqortoqen, Ivars Silis letoniar argazkilariaren eta Aka Hoegh groenlandiar artistaren familian[1][2]. Bere neba, Inuk Silis-Høegh[1], bederatzi urte zaharragoa da[2].
2006an[3] Aarhus Arte Akademian graduatu zen[1].
Artista garaikide gisa aritzen da euskarri anitzetan eta Ameriketako Estatu Batuetako pop kultura eta Groenlandiako herri-kultura uztartzen ditu[1][2].
2005ean egin zuen lehenengo erakusketa Groenlandiatik kanpo, Kopenhageko Ipar Atlantikoko Etxean[2].
Bere lanik ezagunena Haveforeningen Sisimiut 2068 da Groenlandiako alokatutako baratze tradizional baten hiru dimentsioko irudikapena, 2068an ezarria eta landare eta animalia tropikalez betea. Klima aldaketaren eraginari buruzko hausnarketa da[1][4]. 2010ean, lan horrek Danimarkako Arte Fundazioaren saria irabazi zuen[2].
2015ean eta 2016an, Groenlandiako gobernuak 2013an uranioaren meatzaritzari buruzko moratoria bertan behera uzteari erantzunez, Silis-Høeghek Light On Lights Off erakusketa egin zuen[5]. 2016an ere, bere STORM erakusketa antolatu zen Nordatlantens Bryggen, eta bertan artistak haserrearen, politikaren eta ekologiaren gaiak jorratu zituen[6].
Emile Hertling Péronardekin ezkonduta dago. Bi seme-alaba dituzte: Isamu eta Sila. 2014an Kopenhagen bizi ziren[2].
Liburuak
aldatu- Aima (danieraz eta groenlandieraz, 2011)
- Aima qaa schhh / Aima Schhh! (ingelesez, danieraz eta groenlandieraz, 2014)
- Aima meets the Mother of the Mountain / Aima møder Fjeldets Moder (ingelesez, danieraz eta groenlandieraz, 2020)
Erreferentziak
aldatu- ↑ a b c d e (Ingelesez) Lindsay, Shelton. «Bolatta Silis-Høegh: Evoking Greenland’s Past and Future» Culture Trip 2021-08-13 (Noiz kontsultatua: 2024-02-15).
- ↑ a b c d e f (Ingelesez) Nordlund, Mads. «Bolatta Silis-Høegh – Greenlandtoday» Greenland Today 2014-11-19 (Noiz kontsultatua: 2024-02-15).
- ↑ (Ingelesez) «About» Bolatta Silis-Høegh (Noiz kontsultatua: 2024-02-15).
- ↑ (Ingelesez) Wakim Dennis, Yvonne; Hirschfelder, Arlene; Rothenberger Flynn, Shannon. (2016). Native American Almanac: More Than 50,000 Years of the Cultures and Histories of Indigenous Peoples. Visible Ink Press ISBN 978-1-57859-607-2..
- ↑ (Ingelesez) Hencz, Adam. «Shaping Identities: Contemporary Greenlandic Artists» Artland Magazine 2021-05-28 (Noiz kontsultatua: 2024-02-15).
- ↑ (Ingelesez) «STORM - Bolatta Silis-Høegh» Nordatlantens (Noiz kontsultatua: 2024-02-15).