Sirinx

Sirinx edo Siringa (antzinako grezieraz Σΰριγξ Sÿrigx), greziar mitologian, Arkadiako naiade bat zen, adarrez eginiko arku batekin ehizan aritzea gogoko zuena. Sirinx Ovidioren Metamorfosiak liburuan bakarrik deskribatzen da; ez da adierazten nortzuk ziren ninfaren gurasoak.

Sirinx
Ezaugarriak
Sexua	emakumezkoa
Formak	reed (en)
Familia
Aita	Ladon (en)

Poetak kontatzen duenez, Arkadiako mendietan, naiade oso ezagun bat bizi izan zen, ninfek Sirinx deitzen zutena. Behin baino gehiagotan ihes egin zien maitasun grinez jazartzen zuten satiroei. Baina Sirinx Artemisa jainkosaren jarraitzaile sutsua zen, eta bere mailara iritsi nahi zuen ehizarako zuen nahian eta bere birjintasuna babesten; ehizako jainkosa bezala janzten zen, eta arkua eta geziak ere erabiltzen zituen.

Egun batean, Pan jainkoak, Lizeo menditik jaisten ari zela ikusi eta desioak bultzatuta, berarekin harreman izatea eskatu zion hitz goxoekin, baina Sirinxek, bere eskariak aintzat hartu gabe, aparteko lekuetatik ihes egin zuen Ladon ibai hareatsuaren korronteetara iritsi zen arte. Inguratuta, bere ahizpei metamorfoseatzeko eskatu zien, eta beste ninfek, hunkituta, kanaberadi bihurtu zuten. Pan iritsi zenean, haizeak kulunkatutako kanaberak baino ezin izan zituen besarkatu eta sortzen zituzten zurrumurruak, kexu baten gisakoak, hainbeste gustatu zitzaizkion, non musika-tresna berri bat asmatu zuen haiekin. Horrela asmatu zuen zanpoina edo Panen txirula, ninfaren omenez izena emanez, horrela beti hitz egin zezakeelako berarekin.

Erreferentziak

• Datuak: Q846129
• Multimedia: Syrinx / Q846129