[[Fitxategi:Berria-arnasgunea.jpg|thumb|376x376px|Azpeitia eta Usurbil UEMAko udalerriak dira (Berria.eus)]]
'''Arnasgunea''Arnasgune''''' soziolinguistikako kontzeptu bat da. Estatu Batuetako [[Joshua Fishman]] soziolinguistaren ingelesezko ''breathing space'' kontzeptua euskarar ekarri zuen [[Mikel Zalbide]] hizkuntzalari eta soziolinguista donostiarrak. Arnasgune hitza erabiltzen da demografikoki euskal hiztun asko biltzen dituzten guneei buruz hitz egiteko. Arnasguneak irudikatzeko modurik errazena udalerri euskaldunetan pentsatzea da. Udalerri horietan euskara modu naturalean transmititzen da, eta bertako herritarrentzat gauza normala da euskaraz egitea beraien bizimodua. Zalbideren arabera, hizkuntza batek, iraungo badu, behar-beharrezkoak ditu arnasguneak, lasai eta beste hizkuntzen mehatxurik gabe sentitzeko inguruak. Dena den, arnasguneak ez dira udalerriak soilik. Udalerri erdaldun bateko kafe antzoki bat arnasgunea izan daiteke, bertako jardun guztia euskaraz egiten delako; edo ekintza konkretu bat arnasgunea izan daiteke, arau soziala euskara delako bertan, bertsolaritza, esaterako.
Gaur egun, politikoki eta sozialki onartuta dago beharrezkoa dela euskararen arnasguneak babestea eta garatzea. Hain zuzen, arnasguneak oinarri dituen erakunde bat dago Hego Euskal Herrian: [[Udalerri Euskaldunen Mankomunitatea|UEMA]]. Udalderri Euskaldunen Mankomunitateak 86 udalerri biltzen ditu, eta arnasguneetan hizkuntza mantentzeko zein zabaltzeko lan egiten du, udalei zein udalez kanpoko zerbitzuei begira (hezkuntza, aisialdia, merkataritza, turismoa...).
