[[1999]]an, Nafarroako Kirol Institutuak hala eskatua, [[Nafarroako Pilota Federazioa]]k antolatu zuen. Hark [[Eskuzko Pilota Enpresen Liga]]ri ([[Asegarce]] eta [[Aspe (enpresa)|Aspe]] enpresek osatua) eskatu zion pilotariak ekartzea, liga horretako enpresek baitituzte esku huskako pilotari hoberenak.
[2006an federazioak pilota enpresei irregulartasun batzuk egin izana leporatu zien, eta hurrengo urtean bakoitzak bere txapelketa antolatu zuen: enpresek ''Lau eta Erdiko San Fermin Txapelketa'' izena jarri zioten berenari; eta federazioak, berriz, [[Frontis Pelota|Frontis]] enpresari txapelketa antolatzea eskatuta, ''Nafarroako Lau eta Erdiko Txapelketa ofiziala'' sortu zuen. Pilotaririk onenak eta ospetsuenak Asegarcen eta Aspen dihardutenez, txapelketa ofiziala oharkabean geratzen zen, [[hedabide]]etan eta gizartean oihartzun handirik izan gabe, eta 2010az geroztik ez da berriz jokatu.
