Beloradotik San Juan de Ortegara (Donejakue bidea)
Donejakueren Frantses Bideko hamaikagarren etapa aldatu
Etapak bi zati ditu: lehenengoa Villafranca Montes de Ocaraino, eta bezperan bezala N-120 errepidearen ondoko nekazaritzako pistetatik jarraituko dugu, zerbitzuak badituzten herri txikiak zeharkatuz. Bigarrenea, Ocako Mendietako basoen zeharkaldia da, luzea eta bakartia, hasierako hiru kilometroetan 200 metroko desnibela gaindituz.[1]
Beloradotik San Juan de Ortegara: 23,29 km. aldatu
Beloradoko irteeran, N-120 errepide nazionala gurutzatuko dugu, Tiron ibaia zeharkatzeko egurrezko zubi batetik, ondoren lurrezko pista eroso bat hartuzk Tosantosera ailegatzeko.
4,8. Tosantos
Atera ondoren, lurrezko pista batetik jarraituko dugu, zereal-soroen artean aurrera. Villambistiatik pasa, norabide berean jarraitu, eta N-120 errepidea gurutzatuz Espinosa del Caminora iritsiko gara.[2]
8,3. Espinosa del Camino
Beste nekazaritza-pista bat hartuko dugu irteeran, soroen artean jarraitzeko. Muino xume baten ondoren, San Felices absidearen ondotik pasatuko gara. Antzinako monasterio erromaniko baten aztarna da, eta kronika batzuen arabera, Diego Porcelos kondearen (Burgosko fundatzailea) hilobia dago han. Gero, pontoi batetik Oca ibaia zeharkatuko dugu, Villafranca Montes de Ocan sartzeko.[2]
11,9. Villafranca Montes de Oca
Irten ondoren, Ocako Mendietako ibilbidearen lehen hiru kilometroetan, Villafrancako 945 metroko altueratik 1.157 metrora igaroko gara; hasieran igoera handia izan rren, pixkanaka motelduz joango da. Atsedenleku batean Mojapango iturria dago, eta pistari jarraituz altuera irabazten, Gerra Zibileko fusilatuen monumentura iritsiko gara. Carratón ibaiaren sakan txikia gainditu ondoren Pedraja Gainean aurkituko gara, punturik altuenean. Eta pinu-baso pista eroso batetik behera jarraituko dugu, San Juan de Ortegaraino.[3]
23,29. San Juan de Ortega.
San Juan de Ortega aldatu
Parrokiako aterpetxe xume eta historikoak funtzionatzen jarraitzen du. Eliza erromanikoaren barruan "Argiaren Miraria" deritzona sortzen da; urtean bi egunetan, ekinozioetan, eguzkiak hamar minutuz Deikundearen eszena irudikatzen duen kapitela argitzen du. Beste eraikin aipagarri bat San Juan de Ortega Monasterioa dugu.
Aterpetxeak aldatu
Erabiliena “San Juan de Ortega parrokiako aterpetxea” da, herriaren erdian. Bertan 60 lagun sartzen dira hiru logela partekatutan. Gidetako beste aterpetxe batzuk honakoak dira: El descanso de San Juan aterpetxea, ta La Henera hotela.[4]
Erreferentziak aldatu
- ↑ (Gaztelaniaz) Pombo Rodriguez, Anton. (2019). El Camino de Santiago en tu mochilla. Camino francés. Anaya Touring ISBN 9788491580997..
- ↑ a b (Gaztelaniaz) Baz Uriarte, Edurne. (2018). Camino de Santiago de cerca. Planeta, Barcelona ISBN 9788408194538..
- ↑ (Gaztelaniaz) Contreras Gil, Francisco. (2021). Guía mágica del Camino de Santiago. Luciérnaga ISBN 9788418015571..
- ↑ (Gaztelaniaz) Mencos Arraiza, Carlos. (2018). Cien cosas que hay que saber del Camino de Santiago. Lectio ISBN 9788416918393..
Kanpo estekak aldatu
Datuak: Q110112893
