Behin bizitzea
Behin bizitzea 2024ko otsailean grabatuta Gari kantariaren estudioko grabazioa da, hamabigarrena bere izenarekin bakarlari moduan. Lan honetan berriro ere Maldanbera taldearen laguntza izan zuen. Elkarren estudio berrian grabatu zuten, Adunan.
| Behin bizitzea | |
|---|---|
| Gari eta Maldanbera taldea taldearen Estudioko grabazioa | |
| Argitaratze data | 2024 |
| Diskoetxea | Elkar |
Ezaugarriak aldatu
Lan honek abesti ederrak biltzen ditu, hainbat dinamika eta harmoniarekin jolas egiten dutenak. Kasu gehienetan, hitzak oso egile ezagunek idatzi dituzte. Gariren bertuteetako bat ikusten da lan honetan: tonu batetik bestera aldatzeko trebezia aparta. Trebezia horrek kanten ederra areagotzen du, ezbairik gabe. Baina Behin bizitzea diskoa ez da Garirena bakarrik, bandarena ere bada, talde-lanaren fruitua da. Atzean entsegu-ordu asko, maketak eta laborategiko lan handia dago. Hori guztia agerian geratu da grabazio- eta nahasketa-prozesuan, eta, nola ez, azken emaitzean. [1]
Abeslariak bizi duen une bitalaren erakusgarri, soseguzko barrurako begirada bat da.[2]
Musikariak aldatu
- Gari, ahotsa
- Maldanbera:
- Alex Alonso, bateria eta programazioak
- Oier Aldekoa, baxua
- Migel Moyano, gitarra eta programazioak
- Gonbidatua: Iker Lauroba, teklatuak, ahotsa
Teknikariak aldatu
- Víctor Sánchez, ingeniaria
- Unai Mimenza, nahasketak
Kantuen zerrenda aldatu
7 abestik osaten dute diskoa. Doinuak Gari berarenak, hitzak Karmele Jaio, Iñigo Astiz, Jon Benito eta Txuma Murugarrenenak.
- 01 - "Elurretan etzan (isiltasun zuri)" (Musika: Gari / Hitzak: Karmele Jaio)
- 02 - "Bi hiritan" (Musika: Gari / Hitzak: Iñigo Astiz)
- 03 - "Minik ez dago" (Musika: Gari / Hitzak: Iñigo Astiz)
- 04 - "Behin bizitzea" (Musika: Gari / Hitzak: Iñigo Astiz)
- 05 - "Jurisprudentzia" (Musika: Gari / Hitzak: Iñigo Astiz)
- 06 - "Holandar alderraia" (Musika: Gari / Hitza: Txuma Murugarren)
- 07 - "Gaua" (Musika: Gari / Hitzak: Jon Benito)