Awaji uhartea

Awaji uhartea (japonieraz: 淡路島, Awaji-shima) Setoko Barne Itsasoan dagoen uharte handiena da eta Hyōgo prefeturari dagokio. 2005eko erroldaren arabera 157.000 biztanle ditu.

Awaji uhartea
Fukura kaia (Minamiawaji)
Bertako izena	淡路島 Awajishima
Geografia
Kokapena	Setoko Barne Itsasoa
Azalera	592.17 km²
Punturik garaiena	606 m
Politika
Herrialdea	Japonia
Prefetura	Hyōgo
Gizartea
Biztanleria	157.000 bizt.
Dentsitatea	265 bizt/km²
Talde etnikoak	Japoniarrak

Geografia

Uhartea hegoaldean dagoen Shikoku uhartetik Naruto itsasarteak banatzen du eta Honshū uharte handitik Akashi itsasarteak. 1998an ordea Akashi Kaikyō zubia eraiki zen, munduko zubi eseki luzeena eta Honshurekin lotuta gelditu zen. Itsasarte biak nabigatzeko arriskutsuak dira, batez ere hegoaldekoa, Narutoko zurrunbiloak direla eta.

Nojima failak zeharkatzen du uhartea. Faila hau izan zen 1995eko lurrikara handiaren arduraduna.

Setonaikai Parke Nazionalaren ekialdeko zatian dago.

Historia

Xintoismoak munduaren sorrera azaltzen duen kondairaren arabera Awaji izan zen ōyashima uharteen artean lehenengoa sortzen Izanagi eta Izanami kamietatik.

Banaketa administratiboa

VII eta XIX artean Awaji probintzia osatu zuen, gaur egun ordea Hyōgo prefeturaren barnean dago eta hiru udalerri ditu:

• Awaji: uhartearen iparraldea hartzen du eta 47.457 biztanle ditu.
• Sumoto: uhartearen erdialdea hartzen du eta 48.674 biztanle ditu.
• Minamiawaji: uhartearen hegoaldea hartzen du eta 52.888 biztanle ditu.

Ondasun nabarmenak

• Awaji Ningyō-Jōruri: 500 urte dituen txontxongilo antzokia.
• Hompuku-ji tenplua.
• Akashi Kaikyō zubia.
• Narutoko zurrunbiloak
• Awaji Yumebutai biltzar aretoa.

Iruditegia

• 
  Awaji Yumebutai (Awaji).
• 
  Sumoto.
• 
  Fukura (Minamiawaji).
• 
  Akashi Kaikyō zubia.
• 
  Narutoko zurrunbiloak.
• 
  Esaki itsasargia.

Kanpo estekak

• (Japonieraz) Webgune ofiziala
• (Japonieraz) Turismo bulegoaren webgunea

• Datuak: Q504373
• Multimedia: Awaji Island / Q504373