As Burgas
As Burgas Galiziako Ourense hirian dauden ur termalen iturburuak dira. Ur silikatatu, fluoratu, litiniko eta hipertermalak sortzen dira 64 eta 68 °C arteko tenperaturan, minutuko 300 litroko emariarekin. Ur horiek dermopatia mota desberdinei aplika dakizkieke, bereziki pruriginosoei. Iturriak hiriko erdigunean daude eta historikoki erabiliak izan dira. Iturburu horiek 1975ean izendatu ziren multzo historiko artistiko.[1]
| As Burgas | |
|---|---|
| Kultura ondasuna | |
 | |
| Kokapena | |
| Estatu burujabe |  Espainia |
| Autonomia |  Galizia |
| Probintzia | Ourenseko probintzia |
| Galiziako udalerrien zerrenda | Ourense |
| Koordenatuak | 42°20′05″N 7°51′55″W / 42.334611°N 7.865308°W |
 | |
| Ondarea | |
| BIC | RI-54-0000232-00000 |
Etimologia aldatu
As Burgas izenaren jatorria ez dago oso argi, zenbait egilerentzat "bero" esan nahi duen "Beru" zeltatik etor daiteke, baina etimologiarik onartuena latinezko "burka" hitzetik datorrena da, "pila" esan nahi duena, erromatarrek bainuetxe gisa erabiltzen zituzten bainuei erreferentzia eginez. Gaur egun, hiriko hiru ikur nagusietako bat da, Ourenseko Zubi Nagusiarekin eta Ourenseko Katedralean dagoen Santo Kristorekin batera.
Deskribapena aldatu
Hiru iturburu dira: Burga de Arriba, zaharrena, estilo herrikoikoa eta XVII. mendekoa; Burga do Medio, hormari itsatsia eta estilo modernokoa, termal konplexu batekin eta sortu berri den "Burgoen Interpretazio Zentrorako" sarrerarekin (2010); eta Burga de Abaixo, estilo neoklasikokoa, XIX. mendekoa, alboetan bi kaño eta erdian landutako pila batekin. Multzo honetan aurkitzen da, halaber, hirian aurkitutako lau erromatar aldareen erreplika, lehenbizikoa ur horietako Ninfen omenez Calpurnia Abana Aebosok eskainia, ezagutzen den Ourense hiriko biztanle baten lehen izena.
Iturburu horiek 1975ean izendatu ziren multzo historiko artistiko.
Iruditegia aldatu
-
Burga de Abaixo -
Burga de Abaixoren iturri nagusia -
Burga de Arriba -
As Burgasko lorategiak -
Urmael termala
