Aricia agestis

Aricia agestis Lycaenidae familiako tximeleta espezie bat da. Europan, Afrika iparraldean eta Asian aurkitzen da, Tian Shan mendikateraino.

Aricia agestis
Irudi gehiago
Sailkapen zientifikoa
Erreinua	Animalia
Filuma	Arthropoda
Klasea	Insecta
Ordena	Lepidoptera
Familia	Lycaenidae
Leinua	Polyommatini
Generoa	Aricia
Espeziea	Aricia agestis [[Michael Denis, Ignaz Schiffermüller|]], 1775
Datu orokorrak
Ostalaria	Geranium molle, Helianthemum nummularium eta Lausarda

Denis eta Schiffermüller naturalistek deskribatu zuen 1775. urtean.

Deskribapena

Tximeleta txiki bat da, 24-28 mm-ko hegal-zabalera du. Tximeletaren hegalak marroi ilunak dira eta ertz zuria dute. Ertzetik gertu puntu laranja eta beltzak lerrokaturik dituzte, hala aurreko hegaletan nola atzekoetan. Tximeletak berak ile urdinak ditu gorputzean.

Hegalen azpialdea argiagoa da eta ertzetan orban laranjak eta puntu beltzak ditu, denak ere eraztun zuriz inguratuta.

Beldarra bere argia da eta alboetan kolore arroxako lerroak ditu. Oso iletsua da.

Bizi zikloa

Hegoaldeko eremuetan urtean bi belaunaldi izaten ditu, lehenengoa maiatza eta ekaina artean eta bigarrena uztaila amaiera eta irailaren artean.

Arrautzak banan bana jartzen ditu hostoen azpialdean. Haietatik beldarra jaiotzen da eta inurriek zaintzen dute. Inurritegian hibernatu ondoren udaberrian pupatu egiten dira.

Azpiespezieak

• A. a. agestis (Europa hegoaldean eta erdialdean)
• A. a. calida (Chavignerie) (Sizilian, Italian eta Ekialde Hurbilean)
• A. a. azerbaidzhana (Obraztsov, 1935) (Kaukasian eta TGranskaukasian)
• A. a. nazira (Moore, 1865) (Darvaz, Pamir eta Himalaia ipar-mendebaldean)

Iruditegia

• 
  Tximeleta emea.
• 
  Hegalen azpialdea.
• 
  Arra eta emea elkarturik.
• 
  Beldarra.

Kanpo estekak

• Datuak: Q1294181
• Multimedia: Aricia agestis / Q1294181
• Espezieak: Aricia agestis