Åkermanita
Åkermanita (Ca2Mg[Si2O7]) melilitaren taldeko sorosilikato bat da. Kaltzioa, magnesioa, silizio eta oxigenoa du. Siliziodun kareharrien eta dolomiten eta sanidinita fazieseko arroken kontktu metamorfikoaren ondorioa da. Sanidinita faziesa da mineral hidrikorik gabe ematen den tenperatura altueneko metamorfismoaren adierazgarria. 2.944 g/cm3ko dentsitatea du. Åkemanitaren gogortasuna Mohs eskalan 5 eta 6 bitartekoa da, eta aurki daiteke kolore gris, berde, marroi edo kolorgeetan. Marra zuria du eta distira bitrosoa edo erretxinotsua. Sistema kristalino tetragonalean kristaltzen du eta fraktura ona eta bereizgarria du. Gehlenitan (Ca2Al[AlSiO2]) hasten den soluzio solido baten muturra da.
Åkermanita | |
---|---|
Ezaugarri orokorrak | |
Kategoria | Silikato > Sorosilikato > melilitaren taldea > åkermanita-gehlenita seriea |
Formula | Ca₂MgSi₂O₇ |
Dana sailkapena | 55.4.1.1 |
Nickel-Strunz sailkapena | 9.BB.10 |
Sistema kristalino | Kristal-sistema tetragonal |
Talde espazial | space group P-42₁m (en) |
Eponimoa | Richard Åkerman (en) |
Identifikazioa | |
Marra | zuria |
Mineralak Anders Richard Åkerman suediar metalurgikoaren izena darama. Vesuvioan eta Monte Somman zein Erromatik gertu dagoen Monte Cavalluccion aurkitua izan da.