Yawunik
Yawunik Kanbriar garaian bizi izan zen artropodo bat da, gaur egun iraungita dagoena. Kanadan dagoen Burgess Shale aztarnategian aurkitu zen eta duela 508 milioi urte bizi izan zela estimatzen da[1]. Yawunik kootenayi da ezagutzen den espezie bakarra.
Yawunik | |
---|---|
Sailkapen zientifikoa | |
Erreinua | Animalia |
Filuma | Arthropoda |
Klasea | Megacheira (en) |
Ordena | Leanchoiliida |
Familia | Leanchoiliidae (en) |
Generoa | Yawunik [[Cédric Aria, Jean-Bernard Caron, Robert R. Gaines|]], 2015 |
Izena
aldatuKutenai leinuaren mitologian jatorrizko itsasoko munstro baten izena da Yawunik. Espeziearen izena aldiz Kootenay Parke Nazionalaren barnean aurkitu izanagatik ezarri zitzaion.
Aurkikuntza
aldatuKanadako Marble Canyon herrian aurkituriko 42 fosiletatik abiatuta osatu da Yawunik-aren morfologia[2]. Cédric Ariaren taldeak 2015. urtean deskribatu zuen espeziea[2].
Deskribapena
aldatuGorputz eta hanka artikulatuak zituen. Gorputzak 12 segmendu eta karena zituen. Telsona ere bazuen eta ertzean arantza txiki ugari zituen. Aurreko luzakin pareak hortz ugari zituen, horrek erakusten du harraparia zela[2]. Luzakin horiek ile asko zituzten, zentzumen funtzioa izango zutenak.
Erreferentziak
aldatu- ↑ (Gaztelaniaz) Geographic, National. (2018-08-09). «Artrópodo de 508 millones de años de antigüedad» National Geographic en Español (Noiz kontsultatua: 2021-11-04).
- ↑ a b c (Ingelesez) Aria, Cédric; Caron, Jean-Bernard; Gaines, Robert. (2015). «A large new leanchoiliid from the Burgess Shale and the influence of inapplicable states on stem arthropod phylogeny» Palaeontology 58 (4): 629–660. doi: . ISSN 1475-4983. (Noiz kontsultatua: 2021-11-04).