Velia Procularen idazkuna

Velia Procularen estela edo hilarria, Soriako Tierras Altas eskualdean aurkitu zen erromatar garaiko heriotza-estela edo hilarria da. Tailer epigrafiko horretako ezaugarri berezigarriak ditu: hiru bandatan antolatutako idazkera eta marrazkiak, modu azkarrean landutako harria eta inskripzioak, ohiko egitura jarraitzen duen epitafioa, etab.

Velia Procularen epitafioa edo estelaren kalkoaren marrazkia

Velia Procula, 30 urteko emakumearen heriotz-estela, Bergarako erakusketan.

Orein-emea eta bere oreinkumea irudikatuta daude Velia Procularen estelan. Orein-emea Soriako Tierras Altaseko estelatan sarritan agertzen da hildakoa emakumea edo neska denean.

Hildako emakumea orein eme batez irudikatuta dago, eta alboan, orein-kumea dauka titia hartzen. marrazki hau, amatasunaren adierazletzat hartzen dira. Goiko aldean dagoen marrazki sinplea hildakoaren erretratu eskematikoa izango litzatekeela uste da. Bi marrazkien artean epitafioa dago.

Soriako San Pedro Manriquen agertu zen.

Idazkunaren irakurketa epigrafikoa

Transkripzioa

DM

VELIAEPROCUL

EHIC SEPULTA EST

ANNORUXXX CV

RAPARETNIV

Testu barruko loturak edo hizki elkartuak

AE elkarturik daude bigarren lerroan. Bigarren lerro horretako beste ezaugarri bat da hasieran agertzen den marrazkia: huntz baten hostoa, hilezkortasunaren sinboloa erromatar kulturarentzat.

Testuaren irakurketa laburdurak osatuz

D(is) M(anibus) / · Veliae Procul/e hic sepulta est / annoru(m) XXX cu/ra parentiu(m)

Itzulpena

Velia Procularen man jainkoei (eskainia), 30 urte (zituen), hemen dago ehortzirik, haren gurasoen ahaleginari esker.

Identifikatzaile epigrafikoa

HEp 2003/04, 00657

Kanpo estekak

• Datuak: Q104404336
• Multimedia: Steele of Velia Procula / Q104404336