Valdés Salas jauregia

Valdés Salas jauregia
	Kultura ondasuna
	Antzinako Donejakue bidea
	Irudi gehiago
Kokapena
Estatu burujabe	Espainia
Autonomia	Asturiasko Printzerria
Probintzia	Asturiasko probintzia
Asturiasko kontzeju	Salas
Koordenatuak	43°24′33″N 6°15′42″W / 43.40908°N 6.26156°W
Ondarea
BIC	RI-51-0001263

Valdés Salas jauregia Salas herrian, Asturias erdialdean, dagoen eraikina da. XVI. mendean eraiki zen. Kultura ondasunaren izendapena du.

Historia

XVI. mendeko eraikuntza da, soila, eta Valdéstarren dorreari lotuta dago, XV. mendekoa azken hau. Dorrearekin batera, erdi-puntuko zubi beheratu bat dago, Valdés-Salas familiaren armarriak dituena. Eraikina harlangaitzezkoa eta hargintzazkoa da, bere garaiko arkitektura zibilaren erakusgarri. Valdés Salastarren familia noblearen etxea izan zen, Fernando Valdés Salas da bere kiderik ezagunena, erlijiosoa, inkisidorea, politikaria eta Oviedoko Unibertsitatearen sortzailea, Santa María La Mayorreko kolegiatan lurperatua eta jauregi honetan jaioa.^[1]^[2]

Ezaugarriak

Bi solairuko etxe bat da, trapezio angeluzuzenaren forma duen barruko patio baten inguruan. Patioa arkupeduna da, eta egurrezko zutabeetan bermatuta dauden balaustre torneatuzko baranda duen korridore batek zeharkatzen du. Jauregiaren gorputz nagusian banatzaile gisa erabiltzen den ezkaratza dago. Iparraldeko hormartea diagonalean dago, eta bertan dago fatxada nagusia, alboetan irteten diren bi dorre eta alboko kapera dituela. Ate nagusiak erdi-puntuko arku bat eta leiho txikiak ditu.

Jauregian kapera bat zegoen, «Kaleko Andre Mariaren» izenekoa. Erakusketa-areto gisa erabiltzen da gaur egun. Oinplano angeluzuzenekoa da, burualde erdizirkularra kanoi-ganga batez estalia, eta habeartearen espazioa ere bi solairutan banatuta dago. Goiko solairuan bi bao daude, garai hartan Valdés Salastarrek ospakizunetara ikusi gabe joateko erabiltzen zituztenak. Fatxada independente bakarra ekialdera begira dago.^[3]

Egungo erabilera

Jauregiak Interes Kulturaleko Ondasun izendapena du, Monumentu kategoriarekin. Gaur egun, hiriko Informazio eta Turismo Bulegoa, Kultur Etxea eta hotel txiki bat daude bertan.^[4]